🥰 قصة بيان نصر 🥰 بالدارجة المغربية

🥰 الفصل 52 🥰

🌹 بيان النصر 🌹 بقلمي انا 😍 شمس الغريب 😍

البارت 379

فدار فتيحة كانو واجدين باش يمشيو كلشي لابس مزيز ومفركس حطو الحلوى وكاع لي وجدات ليها فتيحة من حلويات وبغرير ملاوي وبطبوط جوج كيكات كبار هي وفاطمة تعاونو على داكشي

كانت فتيحة لابسة جلابتها جديدة لي فالغرونة مع الفولار والصباط والصاك لي خدات قادات وجهها غير بداكشي بسيط دارت بوماضة لوجهها كحلات عينيها وطلعات شفارها دارت عكر خفيف زاد برز شواربها المنفوخين حجبانها مشطاتهم وقاداتهم صافي هادشي لي اكتافات بيه وزادها نور على نور

اما فاطمة لبسات جلابة لي كرات ليها فتيحة شعرها لي صايبات ليها الكوافورة بقا مقاد طلقاته ودارت حتى هي عكر بحال لي دارت فتيحة وماسكارا لشفارها مع قلم منير لبس كما اقتارحو عليه دجين اسود مع شوميز بيضاء وسبرديلة بيضاء كلاص اما حمزة لبس سروال بلو مارين مع شوميز بلو سييل وصباط سبور اسود شعرهم مشطوه ورضوه لورك انو كيبانو كلاص

خرجو فاتجاه بيت نجاة لي كاينة فجوج دروبة من وراء دربهم ضغيا وصلو كانت الدار مسيقة من الفوق للتحت نجاة عندها دار فيها السفلي والطبقة الاولى والسطاح مامصلوحش دقات فتيحة خرجات عندها بنت نجاة الصغيرة طلعاتهم حيت كانو غادي يستقبلوهم فالدار لي فالطبقة الاولى طلعو مثقلين بداكشي حطوه فالكوزينة وكيقلبو فاش يزيدو يعاونو كانت تما عجوزة فتيحة وبنت ختها لي هي عروستها جديدة لي والدة جوج بنات(خواتات حمزة ومنير من باهم) وبنت نجاة الصغيرة اما الكبيرة هي والوسطانية مشاو عند الكوافورة

فتيحة ملي دخلات ومراة طليقها حاضياها هي وعجوزتها وكيطلعو ويهبطو ففاطمة لي جلسات جنب حمزة ومنير فواحد القنتوبنت عمتهم غير كضور حداهم اما فتيحة مشات دير روتوشات مع نجاة فالكوزينة

فتيحة" نجاة اش باقي مزال هاد الكيك ديريها فالثلاجة لا دوب ليها لا كريم باتيسيير وتحرحر

نجاة" لا صافي ا ختي هادشي لي كنت محتاجة ديك المجرابة ديال مرت بوشعيب جالسة تما بحال الضيفة وختي لي بنت مي وبا مازال كاع ما جات لا هي لا بناتها الله يخليها عائلة لقيت فيك الخير نتي لي ما خلات فيك مي وخويا غير لي نساو شووكرا

فتيحة" بلا جميل ا ختي الله يصدق الخير ويكمل عليهم بالخير

نجاة" اميين ا ختي امين

ام نجاة ملي خرجو من الكوزينة" ايوة ا فتيحة كيدايرة مع الوقت

فتيحة" الحمد لله ا خالتي بخير

ام نجاة" ياااكماا عرستي ل حمزة بلا ما تصيقي لينا خبار

فتيحة بتساؤل" اويييلي على نعرس ليه بلا ما نقولها ليكم راه هو لي خاص يقولها ليكم راكم عائلته هو