🥰 قصة بيان نصر 🥰 بالدارجة المغربية

😊 الفصل 116😍

🌹 بيان النصر 🌹 بقلمي انا 😍 شمس الغريب 😍

البارت 922

فاطمة فالبيت حاطة فاليز صغيرة كتستف فيه شنو شرات ليها بيجامة سخونة بالسروال بالموف بارد والبيج طروا بياس مع الفولار ديالها وبانطوفة والثانية بالموبرا غير هي طويلة موديل عصري كانت فالغوز بيبي بفولارها حتى هي وبانطوفة كتجي معاها خدات ليها جوج ديال لي شوميز دو نوي ديال بداية الحمل كتفكر حتى ليوسف ههه وحدة حمراء والثانية ذهبية خدات باك ديال الحمام ديال لي بيبي رطيطب فالابيض مكون من فوطة ديال الاطفال وحدة كبيرة ووحدة صغيرة ديال الشعر-بينوار كذلك خدات جوج لبيسات ديال لي بيبي بلون محايد وحدة خداتها فالرمادي بارد مزوقة بالاصفر والثانية كانت بالبيسطاش بارد داكشي زويون ومانتك خدات ثاني ل بشرى بيجامة زوينة فالبيج بالموبرة وكانت مخيطة ليها قفطان ديال جوهرة بالابيض دخلات فيه العقيق جا غزال حتى هو مقوم بفولار وبليغة دياله اما يوسف خدات ليه ساعة يدوية جميلة وثمينة وحكيم ومحمد كل واحد فيهم خدات ليه لبيسة زوينة مع لعب كما العادة والصافية مع كانو قالو ليها راه غادي تزوج كانت موجدة ليها كاضو خاص باك ديال العروسة من يديها فيه جليليبة خادماها هي بالرمادي بارد مخيطة بالاصفر بارد مع بليغة وفولار قفيطين بالبيج مع بليغة وبوشيط ريحة مع ديودورون ديالها وساعة يدوية وهزات الهدية الاخيرة لي كانت لمريم حتى تديها ليها ونقول ليكم

وفتيحة فالكوزينة فالجليسة كتخلط فصطل ديال السفوف صغير مقوم وحليوات مشكلين من صنع يديها البريوات حلوين ومقومين وفوق البوطة كاين البرمة لي عامرة بالماء والفوق دايرة فراخ ديال الحمام معمرين بالبيض والعطرية الصحراوية نعام ا لالة باغيا تدي ليها شهيوة حتى لتما ويدهنوهم بالزبدة والهريسة ويحمروهم فالفران

فاطمة من البيت" مااماا فاااااتييييحة (فتيحة" نعااام اا بنتي) وااااش نحط لييك جلابتك الموووف ولا ديك البييج جديدة

فتيحة مبتاسمة" وااخاااا ااا بنتي غيير لي بااان ليك وحطيييه

فاطمة واقفة قدام العلاق" صااااافي غااادي نحط لييك هااد البيييج

بدات كتوجد حطات ليها جلابة بيج مخدومة بلونها ومزوقة بالتيركواز فيها الطرزات فالصدر منبتين بالعقيق حطات ليها فولار بالحرير مزركش بالالوان مع بليغة عالية فالبني والصاك بحال لونها ودازت لراسها قررات حتى هي تلبس جلابة مخزانية كانت فالشيبي بارد مخدومة بالحصيرة ديال الراندة خادمها بيديها بلون الثوب ومزوقاها بالوان ناصحة وغامقة خدات معاها بليغة بالكرونة وبوشيط ديالها فنفس اللون مشطات شعرها وسرحاته بالبلاك باش يعطي الطوع حتى سمعات

منير" الوااااليييدة تيييتيييم وااا فييينكم

فتيحة من الكوزينة يالاه كملات داكشي لي كانت فيه" ااا ولدي منير مااالك