🌹 بيان النصر 🌹 بقلمي انا 😍 شمس الغريب 😍
البارت 549
بكسوى صيفية نصف كم الفوق ديالها بالابيض مشدودة من الخصر وهابطة مفرفرة حتى للركبة مزركشة بالالوان هي من الهدايا لي كان جاب ليها من اسبانيا بشرتها السمراء ولات مزنكة بالخوف لابسة معاها سبرديلة بيضاء بسيور بالاحمر شعرها الاسود لي بدا كيطوال بنفس التقطيعة من الامام طويل غادي وكيقصار من الوراء مبين وجيهتها المضيورة وشفايفها الحومر لي كتزيد تغرز فيهم سنانها حتى كيثقبو حنيكاتها بثقيبات الزين لي عندها عويناتها العسليتين كيشوفو ف منحى واحد ويديها مرة مرة يهزو الصاكادو لي ما كيفارقهاش على كتيفاتها حتى بانت ليها طموبيلته قدام المشروع لي بداو كيتبانو اقاماتو
ريم حلات الباب وشافت فيه" عييييسى شنو كدير هنا
عيسى" عجبووني هاد الاقامات وكنفكر نشري هنا
ريم بابتسامة تيقاته" بصااااح ولكن هادو راهم صغااار
عيسى ضحك جنب" وااا تي طلعي ا بنتي طلعي نمشييو نشوفوك اش درتي فديك النتيجة
طلعات بالزربة وهي كضور عينيها" ماا عرفتش الصراحة فيا الخلعة دبا انا متاكدة ناااجحة(قلبات شنايفها) ولكن بغيت نعرف النقطة
عيسى تبسم" الى جبتي شي نقطة مزيانة غادي نتزوج ونعرض عليك لعرسي
ريم ما حسات حتى نزلات عليه بدقة على كتافو" يااااك وقااااف ا سييدي هبطني لا تشووفني خطيييبتك معاك
عيسى هبط الضراقة ديال الشمس لي قدامها وبان انعكاسها فالمراة وبدا كيهضر مع المراية بحال شي حمق" احممم احمم خطيبتي انا مركب معايا هاد الاخت وبغيت نعرض عليها لعرسنا الى ما عندك حتى شي مانع
ريم حبسات الضحكة ونطقات" وااااش انا دبا خطيبتك من ايمتا ا سيدي ما فراسيش هاد الهضرة
عيسى ضحك بفقصة" ههههههه واااا وصلي للسين القانوني اش ندير ليك الى كنتي قاااصر هممم
ريم تبسمات جنب وهي كتشوف مدرستهم لي عامرة ببنادم" وااا انت لي شارف
عيسى" اااخر يامي تزعطت فبنت كون تزوجت كون ولدت قدها
ريم كتحيد الصمطة استعدادا للنزول" وااخا ا بابا
عيسى حبسها" فييين غااادياا ا مدااام شوفي الدنيا كيف عامرة والزحام لي تما غاديا يقيسو فيك ***** جلسي حتى يشوفو على خاطرهم ونمشيو
ريم غرغرو عينيها" ولكن انا بغيت نشوف غادي يضرني راسي الى بقيت هنا غادي نتخنق
عيسى كيشرح ليها بيديه" هااا نتي مزال حتى ما تعلق بلاتي صبري وتجي ديك الفرفارة ديال صاحبتك وسيري نتي وياها
🌹 بيان النصر 🌹 بقلمي انا 😍 شمس الغريب 😍
البارت 550
بدجين ابيض طاي اوت معاه لابسة تيشورت احمر مفضفض عليها فيه كتابة بالاسود رجيلاتها البويض لابسة فيهم كلاكيطة فالاسود مزينة بعقيقات بالالوان شعرها رولاته من الاسفل وخلاته مطلوق فين ما ضارت كتصوط ما عاجبها حال وحاتم واقف عند الباب كيتسنى فيها بسروال دجين وتيشورت ابيض مع سبرديلة نفس اللون جنبه واقفة سامية لي ولات لاصقة فدار عمها ملي رجعات تاني من برا هي وعائلتها حيت صافي كملات قرايتها لابسة كسيوة صيفية بلا سماطي بالبرتقالي وصندالة طالون بالابيض مع بوشيط نفس اللون شعرها طالقاه ودايرة ماكياج صيفي جاي معاها شادة فتريكو حاتم من الخلف بلا ما تعيق وطالقة ابتسامة مستفزة ل فائزة
أنت تقرأ
🥰 قصة بيان نصر 🥰 بالدارجة المغربية
Literatura Kobiecaالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
