🥰 قصة بيان نصر 🥰 بالدارجة المغربية

😊 الفصل 95😍

🌹 بيان النصر 🌹 بقلمي انا 😍 شمس الغريب 😍

البارت 744

يسرى متكية بلاصتها وتيلي كل مرة يبان ليها فيه الضوء كتخليه يصوني حتى يقطع على خاطره ماشي مرة ماشي جوج هادي المرة العاشرة وهو على حاله لكن لا رد منها مقلقة مزيان ومعصبة منه من نهار لا كلينيك ما سول فيها ولا قال ليها كيف بقيتي ودبا اش بغا ااه ولا على الصورة لي هبطات نص صدرها باين ورجليها كلهم عريانين ماشي شغله ماشي خوها ماشي باها هي استغلات انشغالهم وحطاتها حيت حتى واحد مامسالي يشوفها بقات مدة من بعد ما قطع ودخلات باش تشوف شحال وصلات لا فوطو ساعة ما لقات لا انستغرام لا فيسبوك طارو بقا غير واتساب بوحدو شرعات عينيها غادي تموت بالبكا ملي صونا هاد المرة دوزات الخط

يسرى كتغوت" شكوووون انت حتى تحيد ليا لي كونط ديالي

كان بركان ونفاجر عمره عاير ناقص قدامها ولا حتى غوت" الله ينعااال ****** اااا البرهوووشة مكلخة وعند بالك فاهمة وزايداها ب***** اااش هااد الكلاخ هذا كان يصحاب ليا الذكاء منك كيتفرق ساعة صدق العكس

يسرى خرجات عينيها بسبب السبان لي كتعرض ليه" الله يقلل حياااااك انت لي اكبر مكلخ بالحق ماشي صووووقي خلييك غارق الما دايز تحتك وانت بحال الضبع تابع حلاوة اللسان

خرج عينيه" تااااابع حلاوة ****** انا ااا المجعووورة كون غير كنتي مطورة اكبر ضبعة عرفت فحياتي هي نتي

يسرى الدموع عمرو عينيها" بزااااااف علللييييك ااا الحمااااار انااا دبا عاد عرفت من اينا نوع انت

طرطق عينه قالت ليه الحمار" مزياااااان مزياااااان بالحق الهضرة غادي تكون غدا فقهوة ****** الى ما جيتيش عرفي راسك راه اكبر دمدومة اجي باش تعرفي ا شطاري وراك ديك الساعة غادي تعرفي شكون لي حمااااار

ندمات علاش قالتها ليه واخا حتى هو عاير ولكن هي نيت قصدات" ماااا جايااااااش وماشي صوقي فشنو وااقع

نظف حلقو" الى ما جيتيش عرفي راه عمرك غادي توصلي للهدف ديالك راه كاين لي كيلعب بيك ونتي بحال الضبعة

دخلها الخوف وركبها من صبع رجليها الصغير كان كيصحاب ليها غادي يشرح ليها على رحاب الساعة هو راه عايش حياته معاها باغي غير يهضر معاها على قرايتها لعنات غبائها لي خلاها تفكر بلي راه كيبغيها وبلي غار على الصورة حتى سمعات صوته ثاني لي رجع هادئ

انس" غادي نرجع ليك لي كونط ديالك لا تعواجي

ما بقا عندها خاطر للي كونط ندمات على تسرعها شوية وكانت تقدر تقول ليه راني معجبة بيك وتندم حياتها كاملها الى لقات الرفض رمات تيلي وعنقات وسادتها بلا ما طل على حتى كونط مواعدة راسها غدا غادي تمشي تشوف شنو واقع ومن بعد غادي دير بكلامه يا لسخرية القدر ديما كترجع غير ليه اه هي راه غادي تسمع نصيحته وغادي تبدل المدينة وتمشي تنسى شوية وتعيش حياتها وتزاول اي عمل كان