🥰 قصة بيان نصر 🥰 بالدارجة المغربية

🥰 الفصل 44 🥰

🌹بيان النصر 🌹 بقلمي انا 😍 شمس الغريب😍

البارت 320

حاتم فرحان بزااااف" عيسى هاديك راه هي ا عيسى بنت خالتي ا صاحبي (عانقه عناق رجولي)

عيسى" وااا على سلامتك ا صاحبي (بادله العناق وهو ما كرهش يبقى الامر غير بحال هاكا مزيان ملي نصر دار بلي ما فراسه والو باش ما يتقلقش منه حاتم)

حاتم بعد كيجبد فشعره بيديه بارتيااح" واااااااه ا صااااحبي الواليدة غادي تفرح وحتى فائزة وااا غادي يفرحو ا صاحبي

عيسى فرحان لفرحة حاتم" الحمد لله ا صاااحبي كانت غير حدانا الحمد لله

حاتم" انا غادي نمشي للدار ضاروري نمشي نقولها ليهم قاليا نصر غدا نمشيو عندهم

عيسى" بشوية عليك ا صاحبي فالطريق انت بالفرحة بان ليا طموبيلتك هي لي غادي تسوقك اليوم ا صاحبي

حاتم مشا مقلع ما وقف غير فدربهم هبط ما عقلش على راسو كيفاش طلع ووصل للاعلى لقا غير هاجر وفائزة كيتفرجو ورحيمة كترطب البلبولة باش دير الحسوة الصباحية للفطور هما غير بان ليهم ما فهمو والو شي حاجة فيه متغيرة ومبدلة باينة من وجهه باغي يقول شي حاجة عينيه كانو غير على فائزة ما حيدهم عليها حتى خرجات الام دياله من المطبخ عاد قلب عينيه ليها

حاتم مشا شد يدين الام دياله وجابها جلسها حداهم" عندي ليكم واحد الخبر غادي يخليكم طيرو بالفرحة

رحيمة" يااااا ربي الله يسمعنا خباااار الخير ا وليدي جات مراتك بعدا

حاتم" لا ا لواليدة مزال

هاجر بتمياق" ياكما حاملة الى كنتي غادي تقول حاملة راه بعدا انا ما فرحاناش

فائزة خنزرات فيه" حتى انا

رحيمة قرصاتهم" ويلي مالكم قطعتو فولدي الهضرة يا ربي السلامة

حاتم كيشوف ف فائزة" لا ا لالة ما حاملاش غير ارتاحو

فائزة قلبات عينيها" ماالها بغات تحمل بالويفي ولا البلوثوت

هاجر ضحكات بجهد اما حاتم خنزر فيهم حتى تجمعو ورحيمة كتويل فخاطرها وتقول هاد جيل ما بقا لا يحشم ولا يرمش

رحيمة" ايوة ا وليدي ما بقيتي قلتي لينا والو شنو هاد الخبر

حاتم" وجدي راسك ا لواليدة

كلهم طلقو ودنيهم مركزين معاه عمر حاتم تصرف بحال هاكا ولكن دبا الامر مختلف هو عارف هاد الخبر غادي يفرح عائلته وبالخصوص حبيبة قلبه اذن راه طبيعي هاد الحماس لي فيه وحتى هما تحمسو لحماسه اكيد

حاتم" انا لقيت بنت خالتي بيان

بقاو جامدين ومكنززين كيشوفو فنقطة واحدة مصدومين من الخبر لا ماشي مصدومين هما راه فرحانين ولكن ما عارفينش كيفاش غادي يعبرو على الفرحة الكبيرة حتى وقفات رحيمة