🥰 قصة بيان نصر 🥰 بالدارجة المغربية

😍 الفصل 69 😊

🌹 بيان النصر 🌹 بقلمي انا 😍 شمس الغريب 😍

البارت 523

مريم ولفات الخدمة ولات كتمشي كلها حيوية ونشاط بحال الفراشة من هنا لهنا والكليان لي دخل تعطيه وقته وتمشي معاه وتختار معاه بهادي بهادي وتختار معاه الالوان ولات متقربة بزاف من حكيم لي حتى هو ولات مريم من الاشخاص الضروريين فحياته بحال باباه وجداته كملو اليوم ثاني هي لي سدات الباب من بعد ما خرج كلشي وراها يوسف كيفاش تبدا تسد ومشات لراسها للحانوت لابسة قميجة كحلة مع سروال واسع نفس اللون فوق منهم واحد اللعيبة طويلة بحال السلهام فالبيج مع ميني طالون حتى هو بيج وصاك بصمطة طويلة حتى هو نفس اللون غاديا نيشان للمحل بلا ما ضور لا هاه ولا هاه دخلات وسلمات بيديها وعطات السوارت للعامل لي كيحل الصباح يالاه بغا يقول ليها انا نعيط عليه بان ليها هابط بسروال بالازرق غامق والفوق شوميز بلو سييل مع صباط اسود لامع شعره مرجعو اللور وكيهضر فالتيلي بهدوء تام

يوسف وصل حداها ونطق" مشينا

مريم زادت قدامه بلا حتى شي كلمة ولات حافظة الطريق وصلو حدا الطموبيل بانت ليها واقفة كتقول هي ماشي هي حتى وصلو

اية كتشوف غير ف يوسف" عيييب علييييك اااا يوووسف عيب بلوكيتي نمرتي بغييت نسول على حكيم

يوسف" فاش يوصل السبت غادي تشوفي حكيم ماتبقايش خيطي بيطي عليا هنا ولا البوليس لي غادي يفاريها معاك نتي

اية بدات كتغوت" وااااااش انا كندير كل ما جهدي باش نتصالحو وانت غير ما كتبعدني عليك يوووووووسف يووووووووسف (تبعات الطموبيل كتجري حيت ركب وزاد وخلاها كتجنن)

اية معصبة" غيييير بلاتي غااادي ترجع ليااا غادي ترجع ليا ماشي طلقت هاداك على قبلك باش نجي نلقاك ما بقيتيش كتبغيني

يوسف الطريق كلها وهو كينفخ ويصوط وماعاجبه حال ويسب ويعاير وينفخ ومريم حداه بالتوثر لي فيها كل شوية تقاد زيفها على راسها ولا تفرك يديها ملي كضور كيبان ليها عروق يديه وراسه باينين ومشنقين وحتى وجهه الاسمر ولا احمر

مريم باغيا تهضر ولكن كتردد" احمممم خووويا يووسف ما خااصكش تعصب مامزيانش ليك

يوسف كاع ما ضار لجيهتها حده نطق وهو مركز على الطريق" مدي ليا حداك واحد القرعة ديال الماء

هبطات راسها حدا رجليها كانو قراعي ديال سيدي علي صغير خدات وحدة مداتها ليه من بعد ما حلاتها نزل عليها دقة وحدة ما رتاح حتى وصل للدار يوسف من النوع لي فاش كضيق بيه وينزل عليه الضيم كيقصد القبلة ولا القرآن كيخلي جوارحه كلها وتخشعو غير معاه هاد القضية تعلمها من باه الله يرحمه وملي كان صغير لدرجة ولا دمو بارد من واحد الناحية يعني واخا دير ليه لي درتي غادي يستغفر الله وربي كيستاجب الاستغفاره ويعطيه السكينة والهدوء هادشي يبين بلي يوسف عبد من عباد الله المحبوبين ومحبة ربي ليه كتبان من حب كاع الناس ليه من الكبير للصغير عاد فينما كيحط يديه كيربح وفين حط يديه الخير كيفيض ويخمر وحتى هو مامخليش من جهده يصدق ويزكي فالوقت