🥰 قصة بيان نصر 🥰 بالدارجة المغربية

😊 الفصل 101😍

🌹 بيان النصر 🌹 بقلمي انا 😍 شمس الغريب 😍

البارت 791

دخل هو وياها لعيادة خاصة بالنساء جاية ببيجامة ديال النوم حريرية بالغرونة سروال مع شوميز لايحة فوق منهم كابيتشو ديال صلاح بانطوفة فرجليها سوداء ولاوية على عنقها كاشكول اسود شعرها جامعاه كعكة كتبان كيوت وزوينة ولكن لي شافها كيضحك على حماقها لكن غير كيشوف ملامحها كيعرفها معصبة وتقدر تحرق الاخضر واليابس اما هو راه كان معاها تابعها بحال خيالها ومخلي ليها مسافة لا ضور طليه قدام عباد الله حيت كل مرة كتبدل تقول مسكونة ونفسيتها محطمة بلا والو طلعو فلاسانسور للعيادة الخاصة بصديقة ليهم مشتركة بيناتهم

كانت واقفة فانتظارهم بابتسامة" عندكم الزهر ما غادي نبدا مواعيدي حتى ل 11:00

سلمو عليها ونطقات باهية" والله واخا نلقاك بادية اا وئام كنتي تلقاي ليا حل

وئام" يالاه زيدو خلاص نشوفو شنو المشكل

دخلو للغرفة ديالها وجلسو مقابلين ليها صلاح مكالمي اللعب وهي باينة متوثرة رجليها كتهزهزها ويديها كتفرك فيهم وعينيها غير كيضورو على الاجهزة لي تما قفزاتها وئام" ما غاديش تقولو ليا مالكم

بدات كتغبن" ناااري ااا وئااام واااقيلة قفرتها يمكن انا حاااااملة

طرطقات وئام بالضحك" وماااالك ااا ختي جايبااه من الزنقة هااا هو صلاح قدوو قداااش تبارك الله نوضي نشووف نووضي

خرجات عينيها المدمعين" راااااني مازاااال مااا مستعدة وزااايدون باقي ما درتش العرس

صلاح غير كيشوف هو كان هضر مع وئام قبل حتى ما يجيو لعندها وعاود ليها لافير كاملة يعني هي على دراية" واااش نتي حمقة راكي مزوجة دايرة العقد درتو حفلة اش باقي مزااال

تم داخل شخص لي ما دقش الباب كان فريد خطيب وئام ولي كانو باقي ما تعرفو عليه" اوووه سمحي ليا دخلت بلا اذن حيت قلتي ما غادي تبداي حتى ل 11

تبسمو ليه وقالت وئام" دخل اا فريد راه هادو هما صحابي لي قلت ليك صلاح الدين والمدام دياله باهية

سلم عليهم وجلس جنب صلاح حتى هو فراسه البلان فريد هو طبيب نفسي الشيء لي ما عارفاهش باهية بالحق صلاح عارف حيت هو لي صديق وئام ديال بصح وهو لي عرفهم على بعض حيت خلى باهية امانة فعنق وئام نهار خوا البلاد

وئام بغات تحطو فالصورة قدامها" ايييوة شفتي ااا فريد انا باغيا غير ايمتا نولد ولالة باهية يمكن حاملة وما باغياش قالت ليك حقا ما حقا ما دارتش العرس ومامستعداش

بقا كيشوف فيها فريد حتى وثرها" يمكن ماشي غير هذا هو السبب يمكن هي مكتبغيش صلاح

خرجو عينيهم فيه بثلاثة" كيييييفاااااااش