🌹بيان النصر🌹 بقلمي انا 😍شمس الغريب 😍
البارت الخامس والثلاثون بعد المئة
بيان من بعد ما دخلات كتبكي لقات البنات فجردة الخلفية عيطو عليها جات عندهم هكاك
يسرى" مااالكي ا ختي جاية كتغبني ياك اودي لباس
بيان" واااالو ا ختي هاداك خوك ماعرفت مالو معايا اليوم ثاني
يمنى" هاداك راه حال واحوال ما تديش عليه يمكن غير بدلوه لماما فالصبيطار
يسرى عوجات فيها" بزاف عليك خويا زوييين والبنات فالمدرسة كلهم طايحين
يمنى طلقاتها بضحكة" ربي عقلتي نهار كانت قالت ليك لينا صاحبيني مع خوك
بيان طلعاتها السخانة بغات تعرف واش تصاحب معاها اكيد عارفة شنو هي المصاحبة" اييييوة وااشنو درتي
يسرى طلقاتها بضحكة تسمعات الدار كاملة" الدورة الاولى كاملة وهي لي كتنقل ليا الدروس وتخرج التمارين وانا كنكتب ليها الرسائل على اساس نصر حتى لواحد النهار فضحاتني هاد الخرية ديال يمنى حيت مابغيتش نمشي معاها لا صال ايوة وصدقو معيطين على نصر وعلى واليديها القتلة لي كليت ا ختي بيان نموت ومانساها
بيان تنهدات" المهم ما تصاحب شمعاها
يمنى" لا ويلي اجي ما قلتيش لينا اش دار ليك
بيان بحماس مكسر لي هرسو ليها نصر بديك لا" المعهد دايرين رحلة لواحد المتحف ونقدرو نديو معانا لي بغينا حيت غير وسط المدينة وبغيت نمشي انا وياكم عمرني مشيت لشي متحف
يسرى" نتي شنو قلتي ليه
بيان" وااا ماخلانيش نكمل يالاه قلت ليه رحلة قال ليا (عيبااتو بصوت غليض البنات كيغمزو ويتحيرو ويديرو الضحكة الصفرة) لااااا وشي مرات ماكندير ليه والو كيبدا عليا(كتغلض فصوتها) بيااااااان
يمنى" الله يرحمك
بيان" كيفاش زعما
يسرى دايرة راسها كتبكي" كنتي عزيزة عليا والله شاهد على ما اقول
نصر واقف مكروازي رجليه على الباب لي كيخرج للجردة" اهااااااه زيدي شي حاجة اخرى
بيان ضورات راسها بالعرض البطيء لقاتو واقف سرطات ريقها" الرحلة غير وسط المدينة غايديونا للمتحف(ناضت بشوية دازت من حداه طلقاتها بجرية حتى سمعات صوتو)
نصر" ملي تبدلي حوايجك نلقاك فالبيرو (ضار للبنات) غدا كلكم عشية خاوية غادي نمشيو للدار ماماكم توحشاتكم
🌹بيان النصر 🌹 بقلمي انا 😍شمس الغريب 😍
البارت السادس والثلاثون بعد المئة
فائزة دوزات النهار كلو وهي كل دقيقة تعاود لخالتها وهاجر وسي محمد على كيفاش دوزات الامتحان تسنا شوية وتعاود ليهم كلشي من اللول وهما كل مرة كتعاود ليهم كيعاودو يتفاعلو معاها بحال الى اول مرة تعاود ليهم فرحانين لفرحتها عيطات حتى نادية ونسرين سولوها كيف دوزات وعاودات ليهم ثاني وكلهم كيتمناو الغد ليه يسمعو خبر زوين وتقبل يديرو عين ميكة على ديك عامين
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
