🥰 قصة بيان نصر 🥰 بالدارجة المغربية

😊 الفصل 107😍

🌹 بيان النصر 🌹 بقلمي انا 😍 شمس الغريب 😍

البارت 839

صباح واحسن صباح بالنسبة ل ريم لي صبحات عليها فائزة مع النبوري جايبة الكيك ديالها لي وجدات كيك مستطيل فيه تفننات فائزة وعليه ناقشة سمياتهم بزوج ♡عقد قران مبروك ريم وعيسى♡ وصاشي كبير فيه الحوايج لي غادي تلبس حاتم واقف كيتسنى فيهم يحلو ليها الباب هابط متكي على الباب ديالها من بعد ما حل ليها الباب وتكا عليه باش يشوف شكون غادي يحل الباب حيت عارف ريم عندها خوتها الدراري واحد مزوج والثاني عزري

ريم حلات الباب خوفانة فوق ما تدق الباب كظنهم جاو" ويلي هاادي نتي يصحااااب ليا هما

فائزة ضارت عند حاتم من بعد ما مدات ليها القالب ديال الكيك وحطات الصاشي عند الباب تعلات على رؤوس صباعها مقبلة حنيكاته ومبعدة" صااافي هااا هي رييم

حاتم واقف بصرامة كيعطي التعليمات الاخيرة" الضحك العالي بلاش صوتك يكون محدور وما تحركيش بزاف الماكياج الى لقيت شي عجب راه ما نضمنش ليك راسي مفاهمين

هزهزات راسها" هممم مفااااهمين صاافي راني حفظت كاااع داااكشي لي قلتي ليا

جرها هو هاد المرة طابع قبلة على خدها مغرق فيها" تهلاي فراسك فوق ما صونيت جاوبي

دخلات فائزة هي وريم دارو للكيك بلاصة فالثلاجة ومشات معاها للبيت ديالها لقاتهم مستفين شي طباسل تما ديال الحلويات وعاد حاطة مريم قفطان بالاصفر بارد مطروز بالطرز الفاسي بالموف كان ديال الام ديالها غاتلبس معاه مضمة ذهبية ديال سعاد شراتها من عند الافارقة زوينة وعطاتها ليها باش تبرز بيها

فائزة هزات فيها عينيها" غادي تمشي للصالون

ريم لي باينة بلي دوشات غير فالدار والحمام باين عليها شعرها جامعاه فزيف حياتي" ااه غااادي نمشي غير عند البنت لي فالدورة كتصايب زوين وهي لي صايبات ل سعاد نيت

فائزة ما بغاتش تحكر عليها" اهاااه مزيان اا لالة نمشيو دبا ولا حتى نحطو شنو خاص يتحط فالصالون

ريم" راه حطييت انا وسعاد كلشي البخور وكلشي باش غير يجيو نطلقوه فالدار

فائزة" اييوة زيدي نمشيو لعند الكوافورة باش تجي بكري يلقاك الحال هنا قبل منهم

ريم هزات عباية ديالها" بلاتي نقولها ل سعاد تمشي معانا

فائزة" عيطي عليها فتيلي اا صااحبتي غادي تعرقي بالطلوع والهبوط راكي عروسة اا صاااحبتي

داكشي لي دارت عيطو على سعاد لي خلات ولدها مع محسن ونزلات عندهم سلمات على فائزة ومشاو للصالون لي كان فالدورة ديال الدرب ولي علماتهم ريم من قبل

🌹 بيان النصر 🌹 بقلمي انا 😍 شمس الغريب 😍

البارت 840

بسروال دجين واسع قصير من لتحت خاشية فيه تريكو كول مونطي فالابيض وفوق منه ضاربة شوميز طويلة كارووات بالاحمر والاسود والابيض سبرديلة بيضاء فوق راسها شال فالاحمر ما مبينة حتى زغبة مبين وجهها الابيض وحجبانها لي هلال تقول مقاداهم العوينات عسيلات وكبار مشفرين خرجات من باب الدار مشات للطموبيل ديالها مع ركبات صونا تيلي ديالها