🌹 بيان النصر 🌹 بقلمي انا 😍 شمس الغريب 😍
البارت 941
واحد من هادوك لي تما مكسطر ولابس مزيان مد شي وراق لواحد رجل الأمن" ااه كااين مشكل خاصكم تقلبو فين تمشيو
كلشي خرج عينيه ونطقات ح.ليلى بعصبية" اااشنووو واااقع كييفاااش بااغين تخرجووني من داري
السيد" ااه ااا لالة ماا بقااتش داارك مع الأسف الكريديات لي عندكم ولي ما بغيتوش تخلصوهم خلاونا نتاخدو هاد الإجراءات
رضوان صرط ريقه هو لي عارف مناش هادشي في حين الباقي كلشي مصدوم سي محمد كيشوف بحال شي ميت ما فاهم والو وما عارف هادشي منين طااح عليهم اما النسا كلشي داير يديه على فمه الحاجة ليلى جلسات رجليها ما بقاتش كتحس بيهم منين طاح عليهم هادشي الله أعلم زعما ربيع
سي محمد شاف فيهم محاول يهدئ الوضع" سيدي حنا ما عندنا حتى شي مشاكيل الأمور ديالنا كلها مقادة
السيد ببرود" هادشي لي كيصحاب ليكم ولكن سي رضوان فراسه أشياء أخرى(قلب عينيه ليه) ياااك اا سي رضوااان
كلشي ضار كيشوف فيه وهو هبط راسه لتحت" سي رضوان دخل فتجارة كبيرة ماشي قدو خلاته يهز كريديات باسم المحلات ديالكم وشركتكم الصغيرة وخسر فاعماله وما رضش الكريديات لي عليه الشي لي غادي يخلينا نحجزو على الممتلكات
ح.ليلى كلها كتقفقف موجهة الكلام لولادها" خوودو شي حاانوت ولا بيعووه ورضو ليهم الكريدي ديالهم
السيد ضحكاته" ااااا لالة الكريديات لي هاز ولدك غادي يخليونا نحجزو على اي حاجة فاسم عائلة الرودااااني يعني الرياض الحوانت وحتى البازار ودار الضباغة كلشي اا لالة سواء لي هنا ولا لي فمراكش غير باش تكوني على بال
رجل أمن" صاافي اا سيدي تم إحصاء كل شيء
السيد" اييوة دباا عندكم من هنا أسبوع تجمعو حوايجكم فااقاااط أي حاجة تمسات غادي نعرفوها حيت كلشي تحصى عندكم سيمااانة
ح.ليلى ولات بحال الحمقة" ااناااا رااه ماايمكنش نخرج من هنااا هااد الدار بااش وصلت ليها نسيت انسااانيتي وختي وبنت ختي وكلشي ماا غاديش نجي ونخليها ليكم تأنيب الضمير عشت معاه حياتي ومصبراني غير هااد الدار
طاحو بناتها كيصبروها اما رضوان ولا بحال الكلب المصعور والباقي كلشي مبلق عينيه بحال شي هبال كيفاش مشات من بين يديهم الدار والمحلات والبازارات كلشي مشا
سي محمد كيحاول يتهدن ويحل المشكل" اححم شووف اا سيدي إلى لقينا الفلوس ولا شي حد يتفاهم معانا واش نقدرو نحلو المشكل
السيد" كاان عليكم ديرو هادشي قبل ب خمس أشهر فاش كنصيفطو الانذارات ونتوما عايشين عادي
أنت تقرأ
🥰 قصة بيان نصر 🥰 بالدارجة المغربية
Chick-Litالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
