🌹بيان النصر🌹 بقلمي انا 😍شمس الغريب😍
البارت 219
غير تفرتكات جوقة ودعاتها ومشات كتجري لفين خدامة خدات طاكسي يوصلها حيت غادي تعطل وصلات لمقهى جنب البحر مقهى كبير وانيق ولكن المظاهر خداعة مطعم وفندق كبيرين الظاهر ان ماليهم من اغنياء البلاد ولكن المخ خاوي كيخدمو فيه القاصرات بنات محتاجين لبضعة قروش صحتهم هزيلة ولكن لا يهم باغيين غير لي يخدم باقل ثمن
دخلات زربانة بحال الزواق خايفة من الشاف ديالها هي مكلفة بغسل الصحون ضبرات ليها خالتها فهاد الخدمة باش تبدا تجمع من دبا مصاريف قرايتها من بعد الباك خوتها واحد يالاه مكافي مع راسو وقرايتو والاخر كيجيب ليهم ماياكلو باشنو كيصور من ديك الطبلة ديال الديسير والاب ديالها مكلف بالماء والضوء كيشيط ليهم شي شوية باش كيتكساو فقط
ريم كتكلم مع البنت الاخرى لي اكبر منها بعام" الله يا ختي الله شوية كنت غادي نتعطل ونخرج على نهاري
البنت" وااييه يالاه كانت هنا قلبات المكانة ولقات بلي مزال الحال ومشات من هنا
ريم" يا ختي كتخلعني
وهما كيهضرو عليها وقفات عليهم بحال الزلط كانت الشاف ديالهم امراة قاسية بزاف كتعذبهم وتغوت عليهم وتنقص ليهم من الاجرة ديالهم بسبب خطا بسيط
الشاف" رييييم جيتي مزيان اجي معايا
ريم بقات كتشوف فيها وتشوف فالبنت وتفكر واش دارت شي غلط حتى عيات وحيدات الطابلية ديال البلاستيك وتبعاتها لقاتها كتسناها فالكولوار ديال الكويزين لي تكا
ريم" مدام نعام بغيتيني واااش درت شي حاجة ماشي هي هاديك
الشاف خنزرات فيها" مااا درتي والو هاد الساعة وسكتينا نتي فيك الهضرة بزاف المهم وحدة من السيرفورات ما جاتش ونتي لي كتباني شوية كبيرة ونقية فحالتك غادي ترومبلاصيها اليوم والى عجبتيني غادي تبقاي خدامة معاهم
ريم بدات كتفتف كيفاش تسربي هي ما غاديش تعرف ولكن اش عند الميت ما يدير قدام غساله" احمممم واخا ا مدام وااخا
طلعات خدات لبسة لي كانت عبارة عن كسوة سميطات بالاحمر فوق الركبة تحت منها شوميز بيضاء مع حذائها الرياضي لي كان بالابيض نيت جاتها على طايتها جاتها عبار بينات ليها مفاتنها كل حاجة فالمكان ديالها شعرها الكاري جمعاتو الفوق خلات وجهها الاسمر المدور يبان والابتسامة لي مرسومة على شفايفها الكرزيتين ومخلية غمازاتها يبانو وعويناتها اللوزيتين لي بحال العسيلات كتشوف وكتحاول تحظ اشنو كتعلمها وحدة من البنات لي خدامين تما
البنت" الابتسامة ما تحيديهاش على فمك هنا كيجيو ليه غير الناس المحترمين ماغادي يبسل عليك حتى واحد غير نتي جمعي راسك الى شافتك شي وحدة شفتي ليها فخطيبها غادي دير ليك فضيحة وعاد خاصكي تكوني خفيفة باش ما تعطليش الطلبات فهمتي
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
