🥰 قصة بيان نصر 🥰 بالدارجة المغربية

🥰 الفصل 18 🥰

🌹 بيان النصر 🌹 بقلمي انا 😍 شمس الغريب 😍

البارت الرابع والعشرين بعد المئة

حاتم" خاصني نوصلها للمدرسة باش دوز الامتحان

هاجر كتكب ليه القهوة" اينا مدرسة بعدا غادي تمشي(شافتها جاية)عمرك طويل ياختي

فائزة كان باقي فيها النعاس واخا غسلات وجهها وتوضات وصلات ولكن مزال مبجقلة كتبان سوو كيوووت بقا كيشوف فيها حاتم هي بحال شي وريدة مفتحة

حاتم" مدرسة الزهوور

هاجر شهقات" ولكن جات بعيدة علينا قريبة ليك نتا

فائزة خلعاتها هاجر" علاش فين جات

هاجر" حدا الكوميسارية فين خدام حاتم بينها وبين دارو شي 15دقيقة ومن هنا لتما شي 20دقيقة بالطموبيل اما على رجليك ويلي

فائزة تسدات ليها الشهية وجاتها البكية المدرسة لي كانت تقرا فيها فالبلاد كانت بعيدة بساعتين ديال الطريق ولكن دنيا مأمنة شوية والطريق معروفة ماشي بحال المدينة gاع الطرق كتشابه كلشي بحال بحال

حاتم شاف فيها عرفها تخلعات" هانتي خلعتيها على والو فائزة راه نبقا نديك انا ولا الواليد وملي تكون هاجر حتى هي ومرة مرة تجي فطاكسي حتى وكان تولفي

فائزة بصوت مرعود" واااخا

هاجر بابتسامة كبيرة" حتى انا نمشي معاكم باش نشجع فائزة فهاد النهار الكبير

حاتم طلع حاجب ونزل لآخر" ما قارياش نتي

هاجر" قارية وعندي مودييييل مهم ولكن ماكايناش شي حاجة أهم من الحب ديالي(عنقات فائزة جنب وباستها فخدها والأخرى حتى هي عنقاتها)

حاتم" إلى ساليتو من الرومانسية والحب ديالكم لي غرقتونا بيه وجدو راسكم باش(شير لهاجر)نديك للجامعة(شير ل فائزة)نديك لمدرستك دوزي الامتحان يالاه طلقوني

ناضو كيتسابقو غسلو وجههم وسنانهم هاجر دارت كريم مرطب لوجهها سالات منو هزاتو فائزة دارتو لي دارتها هاجر كديرها حتى هي

♤هاجر لبسات سروال دجين ضروة طاي اوت قصير شوية مع تريكو توب مقطن من لداخل طويل وفيه فتحات فجنابو باللون الأصفر بارد وسبرديلة رمادية وفيها نفس لون تريكو مع صاكادو رمادي شعرها طلقاتو وقسماتو على جوج وجابتو فجناب

♤فائزة لبسات كسوة مقطنة فايتة ركابيها بنفس لون عيونها بالازرق سماوي فيها دي موتيف فالكتاف بالذهبي لبسات معاها ليبا قطنيين فالاسود دي بوط وصاكادو بالقهوي غامق شعرها صيباتو ليها هاجر سبولة مفخفخة جاتها غزالة

خرجو عند حاتم لي كيشوف ف فائزة لي بحال شي حورية بحر خارجة بجمالها غادي دير الفتنة بقا كيشوف شحال تدارك راسو معصب كيحس براسو مقيد من جميع النواحي والجهات دار دوز يديه على فمو بعصبية وقاليهم يالاه تبعوه مسرسبين وصلو لطوموبيل لي كانت قدام الباب هاجر هزات رأسها بانت ليها ليلى كطل عليهم شافت ف فائزة لي كانت غاتركب اللور