🥰 قصة بيان نصر 🥰 بالدارجة المغربية

😊 الفصل 74 😍

🌹 بيان النصر 🌹 بقلمي انا 😍 شمس الغريب 😍

البارت 568

فيقاتها هاجر لي جات هي وسليم وتسناوها حتى عياو فالاخير مشا سليم حتى للعشاء ويرجع وهي قالت ليهم غادي تفيقها خرجات من بعد ما غسلات وجهها وصحصحات عاد جات عندهم سلمات على راجل خالتها لي بارك ليها بالفلوس بحال بيان باش يشريو لي حبات خاطرهم ومشا لعند خوه حتى يجي هو وياه مجموعين فائزة مشات عنقات اختها وباركات ليها وحتى بيان خشات اختها فيها متالمة لحالها وحاتم عينيه غير عليها ما فارقوهاش

نقزات سامية" اييييوة هاااا نتي ا فاااائيييزة مشيت بيدي انا وحاتم ختارينا ليك هادشي نتمنى يعجبك

فائزة تقجات واش هاد الهضرة كتسمعها غير هي علاش هما كتبان ليهم عادي الا هي ماجاوباتهاش حيت بقات ساهية وكتفكر ياكما يكون العقل خرج ليها وولات كتسمع غير هي شي حوايج حتى نطقات بيان

بيان" شوفي ا فائزة جابو ليك كاضو شكون بحالك هانتي داكشي لي كيعجبك سيسبانس

ناضت فائزة حلات البوكس لقاته عامر بعقيق بالالوان وباينة الفكرة شنو تبقا تخشي يديها وكل مرة تجبد حاجة الشيء لي ما عندهاش ليه طاقة هاد الساعة كانو جميع العيون عليها بدات كتخشي يديها وكل مرة كتجبد حاجة يمكن لوكان كان وقت اخر كان غادي يفرحها لكن والو كتجبد وتحط وتقول شكرا حتى ما بقات كتحس بوالو بغات ضور ترجع بلاصتها حسات بقبضة قاصحة على يديها عرفاتها ديالمن هبطو جوج دميعات يتيمات على خدها ضورها عنده وهز الصاشي الثاني لي جاب حله وكان نفس التصميم ديال بيان غير بلاصة الفراشات ديال فائزة فيه قليبات دليل على الحب لي كيكن ليها دبا يعطي لي وراه ولي قدامه غير ترجع ليه فائزة واخا ديك المجرمة هو قابل عليها ولكن هاد البرود ما قدرش عليه

فائزة طولات فيهم الشوفة وقالت" شكرا

حاتم" بالصحة بالنجاح الدائم انشاء الله

سامية وقفات مدات ليها صاشي حتى هي" هاااا نتي لا تقولي نسيتك واخا نتي ما كتحملينيش

خداته فائزة وعاود حطاته فوق الطبلة بلا ما تقلبو حتى قال حاتم" حشومة ا فائزة غير حليه عيب

عقداتهم وقالت" الى بقا فيك الحال حله نتا

مشات من تما مخلياهم كيبيضو عينيهم وسامية كتصرط القمعة وهما كيقولو ليها ما ديش عليها مريضة وراك شفتيها ماشي لخاطرها وصافي

🚨🚨🚨🚨🚨🚨

🌹 بيان النصر 🌹 بقلمي انا 😍 شمس الغريب 😍

البارت 569

عيانة مدكدكة حتى عظم فيها ما صحيح باغيا غير تخرج تحط راسها فشي قنت عيانة ومسخسخة خارجة من شركتها الصغيرة لي بدات كتكبر بشوية بشوية خرجات قدام الباب بدجين مقطع مع تيشورت ابيض صيفي محلول من الصدر بشكل V خاشياه من الامام فالسروال والصمطة السوداء كتبان ومن الوراء طويل دايرة اكسيسوارات فالاسود ولابسة طالون حتى هو اسود مع صاك مربع بنفس لون الصباط بسنسلة رقيقة حتى لقاته فوجهها وقدامها وااقف بكل شموخ سروال دجين حتى هو مقطع مع تيشورت ابيض وسبرديلة نفس اللون