🥰 قصة بيان نصر 🥰 بالدارجة المغربية

🥰 الفصل 50 🥰

🌹 بيان النصر 🌹 بقلمي انا 😍 شمس الغريب 😍

البارت 366

هبط تابعها لقاها كتوجد فالطابلة طل برا الدار بان ليه الضو مازال شميسة بدات كتغرب ولكن باقي الحال بانت ليه الطبلة فيها طاجين هادي باغيا تعشيهم مع النبوري عاد تفكر بلي راه ما تغداوش هو لي شرباته ديك الحسوة الغريبة العجيبة لي خرجات منه الزيت البلدية والرومية وجميع الانواع دخل للكوزينة عندها انتابهات ليه وتكلمات بالزربة

بيان" يالاااه سربي عفاك كوول باش نمشيو تديني عند اختي

نصر مصغر فيها عينيه" وااااش مااا باغيا تسولي على والو ما باغيا تعرفي والو

بيان كتبعد عينيها عليه" لااا ما بغيت نسول على والو بغيت هاد الساعة نمشي غير عند اختي (شيرات ليه للكرسي) جلس تاكل

نصر هز راسه للسقف تنفس مزيان وصرط ريقه عدة مرات وهي مقابلة تفاحة ادم لي كطلع وتعاود تهبط هبطات راسها ملي بان ليها غادي يهبط راسه يشوف فيها

نصر" مااا بغيتش ناكل انا تقدري تاكلي انتي الى بغيتي ومن بعد نوصلك

بيان بحزن" ولكن انا طيبته على قبلك

نصر ضور وجهه بالزربة شاف فيها بتخنزيرة" اهاااه على قبلي شوووكرا سمحي ليا انتي راك ماشي مضطرة طيبي ولا ديري شي حاجة على قبلي انت ما قادراش حتى تسولي ولا تعرفي الحقيقة ما باغيا ديري حتى مجهود

بيان هي بصح عندها عدة تساؤلات خصوصا ملي شافت شيماء تما وملي عرفات بلي حاتم ونصر اصدقاء وهي عارفة بلي حاتم كوميسير ونصر عندهم شركة خدام فيها هادشي لي عارفة كتحس بلي شي حلقة مفقودة اشنو هي الله اعلم ديك الرسالة خربقات ليها مخها مزيان ولكن ما عرفات واش تسوله ولا لاء ولكن لي بغات هي حاليا هو تمشي عند ختها خاص يكونو مع بعضياتهم فهاد الوقت عارفة بلي فائزة غادي تكون خايفة عليها بزاف حيت كون بقات بيان القديمة بشخصيتها الهشة كانت غادي تموت بهاد الخبر ولكن من بعد العلاج النفسي لي تلقات من عند نور الدين ورباعته ولات عندها شخصية ماشي ديال انسان عادي انما شخصية مخدومة يعني زايدة نغزة ومؤمنة بقضاء الله وقدره

بيان يالاه بغات دخل مع نصر فحوار لي بان ليها كيلبس جاكيط على البرد بغات طرح عليه الاسئلة لي محيرينها ولي باغيها حتى هو طرحهم صونا الهاتف دياله كان حاتم لي ولا كيصوني عليه غير فالاوقات الزوينة

حاتم بعتاب" وااااش انت مشيتي ا خويا ترومانسا وانا مخليني حاصل هنا جيب ا خويا بنت خالتي واجي شرح ليا طبيعة العلاقة بنتي ليا هاز فخااااطرك مزيان ولكن حيت عارفك اش كتسوى راني مازال ساكت ليك

نصر كون كان قدامه حاتم دبا كون خنششو" خلييتك هاد ليامات مع عيسى وليتي بحاله

حاتم حضر المعقول" نصر خاصنا نهضرو ضروري فهاد الموضوع بين بنت خالتي