🌹 بيان النصر 🌹 بقلمي انا 😍 شمس الغريب 😍
البارت 847
بقاو معاها حتى قنعوها هزات داك البلاطو لي فيه كويسات صغار فضيين مع جوج طباسل ديالهم طبسيل عامر بالتمر معمر ها لي باللوز ها لي بالكركاع شي وحدين بالورد مستفين بطريقة جميلة وكتفتح الشهية والثاني فيه الشوكولا بالحق الى خلات ريم داك الديكور حيت راه كلها كتفيبري
تبعوها البنات بجوج سعاد وفائزة هاد الاخيرة لي بدات كتصلي على النبي وتبعاتها حتى سعاد مبتاسمة من تصرفات فائزة لي باينة كتعز ريم بزاف وفرحانة ليها من قلبها ريم راسها هابط لتحت داخلة للصالون بدات بالجهة ديال الرجال ولي كانو فاليمين كتوقف تسلم براسها وتمد ليهم وهما كيشكروها حتى وصلات عنده وقفات قدامه يديها كيشطحو لوكان ما حط يديه فوق يديها كون زلعات عليه داكشي تبت ليها يديها وهز تميرة حطها فوق الطبلة وعاود خدا كويس ديال الحليب اما هي ما شافتش فيه كاع كملات الرجال ومشات لعند العيالات غير هما كتهبط تسلم عليهم قبل ما يهزو شنو بغاو
خالة ريم" مرحبااااااا بييييكم وقبلو عليينا
نجيبة بابتسامة" الله يكبر بيكم اا ختي ويدير بحسابكم
عمة عيسى مالقات ما تقول بانت ليها البنت زوينة بل حمقاتها لكن واخا هكاك سمها باين تحنات على بنتها" اااشمن تكبييرة هادي هي التكبييرة كنت نقول ليك ضوري بيه جات غير برهوووشة خدااته وشدي فالبولة دبا
نهلة مفقوصة" مااماا صاافي شووفي كييف كيشوفو فينا ضحكي وسكتي انا لي بقا فيا هي باقي بعلوكة حليب ماماها بين سنانها
سكتو ملي نجيبة جلساتها حداها" هاا نتي اا رييم بنتي هاادي اختي خالة عيسى وهاادي اخت عمك عباس عمة عيسى وهاديك نهلة بنتها
ريم هزات راسها بابتسامة" متشرفة بيكم
خالة عيسى فرحانة وعجباتها ريم" وبييك اا بنتي تباارك الله ماشاء الله غزالة عيسى ختار وعرف اش ختار(كتهضر وعينيها على فائزة لي جالة فالقنت) كون غير يبغي منعم يعمر دارو حتى هو
خالة ريم بحسرة" كيطيرو البنات الزينااات اا خييتي
طلعات عينيها ل فائزة" وهاد زينة البنات شكوون تبارك الله
فائزة خرجات عينيها وتفيكسات فقنت اما حاتم مع سولات بجهد عرفها عليها عينيه خرجو وعيسى مكمل عليه
عيسى كيضحك من قلبه" الخويييلة غادي طير ليك بالفريخة
فكاته غير نجيبة لي كضحك" ويلي هاديك راه فائزة صاحبة ريم وخطيبة حاتم صاحب عيسى
عمة عيسى تحنات على بنتها" شوووفي غير البرهوشات وااش كيديرو وحدة طارت بمول الشركة والوريث الوحيد والثانية بالكوميسير اييوة سيري تزوجي بشي كيينكو بدااي تصرفي عليه
أنت تقرأ
🥰 قصة بيان نصر 🥰 بالدارجة المغربية
Chick-Litالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
