🥰 قصة بيان نصر 🥰 بالدارجة المغربية

🥰 الفصل 56 🥰

🌹 بيان النصر 🌹 بقلمي انا 😍 شمس الغريب 😍

البارت 411

بيان لحقات على خالتها للمطبخ من بعد ما تسالا الحوار بيناتهم وطمانات بيان على يمنى بالهاتف وبدلات حوايجها وصلات لباب المطبخ بانت ليها خالتها كتنخصص بحال شي بنية صغيرة بيان ما عقلات على راسها الا وهي ضامة خالتها من الوراء وكتبكي على ظهرها بحال شي بنية صغيرة

بيان" اههءهءهءههء سمحي ليا ا خااالتي عفاااااك سمحي ليا

رحيمة ضارت بلي فيها خدات بنت اختها فحضنها" لااااا ا بنيتي لا ما تقوليش هاكا انا بغيت نعرف غير علاش الانسان خبيت هاكا (جلسات فوق الكرسي) خداها بحال النوارة وذبلها نهار على نهار فوق ما كنت كنمشي كنقول ل ختي نوضي نديك للطبيب ما كانتش كتبغي كانت كتخاف منه حبيبتي ندمت علاش خليتها بين يديه هو قتلها على قبل الفلوس هو وديك المجرابة وزايد كيكذب عليكم ا بنيتي باش عمركم تشوفو فيا باش تبقاو ديما تحت يديه علاش هو خبيت هاكا

بيان هبطات راسها بحزن وهي جالسة قفازي قدامها وشادة يدين خالتها" فائزة كان عندها العقل عليا عمرها تيقاتو وانا ديما كنت نقول ليها واش بانا غادي يبغي لينا المضرة

رحيمة مسحات ليها دموعها وهزات ليها راسها الفوق" رااااسك ا بنتي يبقى ديما عالي عمرك تحنيه انا غير ملي لقيتكم نزفكوم عروسات انشاء الله وما يبقاش فيا الحال

بيان هبطات راسها حشمانة وناضت طارت على خالتها بتعنيقة" سمحي ليا ا خالتي عفاك ظنيت فيك السوء

رحيمة" ويلي على بنتي يهديك الله المسامحة انا دبا ميمتك ماشي خالتك وحيدي عليا الحشمة تي كوني بحال فائزة والله حتى من حاتم لي كيخافو منو شلاغمية ما كتخاف منه هي

بيان ضورات عينيها فالكوزينة" وااا خليني نطيب ليكم العشا

رحيمة برفض قاطع" لااااا دبا سيري للدوش دوشي ولبسي شي بيجامة سخونة وسيري طلي على كتوبتك جمعاتهم ليك خالتك جميلة الله يكثر خيرهم فواحد صندوق بلاستيكي ستفيهم وقادي اغراضك انا نمشي نعيط على فائزة وهاجر لي نساو ريوسهم حتى هما

وداكشي لي كان عيطات عليهم لقاتهم فالطريق وقربو يوصلو للدار وحتي سي محمد راجلها جايب محمل ومجمل بالمملحات ها بسيطلات صغار ها بيتزات وبريوات حليوات ديال لا كريم فرحان ببيان بحال اش ملي كانت صغيرة وهي عزيزة عليه كانت هادئة وقليل فين تسمع صوتها وكتحتارم الصغير قبل الكبير الشيء لي خلاه يتعامل معاها هاكا حيت واخا تكون باغيا الحاجة ما غاديش تقول ليك بغيتها عكس فائزة سي محمد لي نعم الرجل كان ل رحيمة لي حتى هي كانت مع عائلته بحال السمن مع العسل

🌹 بيان النصر 🌹 بقلمي انا 😍 شمس الغريب 😍

البارت 412

انس حط البنات فواحد المطعم كبير وامن باش يتسناو صلاح لي عيطات عليه باهية فالطريق انس واخا هكاك باركا الطموبيل فالباب وجلس يتسنى خوفا من اي مشكل يقدر يوقع شوية بانت ليه سيارة صلاح وقفات هبط منها بسرعة دخل لداخل