🥰 قصة بيان نصر 🥰 بالدارجة المغربية

🥰 الفصل 15🥰

🌹بيان النصر🌹 بقلمي انا 😍 شمس الغريب 😍

البارت التاسع بعد المئة

خرجات هاجر من عند سليم بجرية وهو تبعها لقاها كتورك على ل اسانسور باش تهبط

سليم " اش واقع ا هاجر مالكي

هاجر" بغيت غير نهبط باش ملي تفيق تلقاني حداها وبغيت نعيط على حاتم(تحل لاسانسور)باش يجي ما بغيتش نخلع ماما حيت اصلا غادي يجيو لبنات اليوم وغادي دير ماما رفيسة ااه حgا قالت ليك ضروري دوز تعشا معانا عارفاها كتعجبك

سليم كيشوف فيها هايم" انشاء الله عندي عمليات نكملهم وندوز قوليها تخلي ليا الgنة ايلا تعطلت

هاجر" هانية غادي نصهرو نتسناوك للعشاء حيت ما غاديش يجي حفيظ وجلال غير البنات والبعاليك

سليم فتح ليها الباب وخلاها دخل هي اللولة" امممم هي قوليا غادي تخربوها ثاني

هاجر كتهضر بشوية ملي بانت ليها باقا ناعسة" ضروري ولكن هما جايين على قبل فائزة باش يشوفوها ما فراسهومش gاع بلي هي مريضة وبغيناها حتى هي تكون حاضرة(كيشوف فيها ما راضيش على هادشي حيت فائزة راسها قاصح خايف لا تجيبها فراسها يالاه غادي يرفض جات شدات يديه)الله يخليك ا سليم والله ما نحيد من حداها

واش يقدر يرفض لهاد الفنكوشة شي طلب لا مسكين ما يقدرش توجه لرأس فائزة خدا ميزان الحرارة عبرها ليها لقاها منخفضة خصها غير تفيق باش يراقب ليها حلاقمها يشوفهم

سليم" واخا ا هاجر ولكن غادي نخرج ليها دي فيتامين وشي دواء صافي والماكلة دافية هي راه راسها قاصح وقالت ليك مكتحملهاش ولكن ضروري

هاجر فرحانة" صافي والله كووون هااااني انا نبقا بحال خيالها

سليم قرصها فحنكها" اوكي انا غادي نخليك نمشي نوجد المريض ديالي للعملية

هاجر" اوكي كون هاني الله معاك

مشا سليم وبقات هي جابت كرسي حداها وجلسات خدات يديها بين يديها وبدات كتبوس فيها وتهضر ودموعها على خدها

هاجر" حبيبتي نتي وأختي لي باقا صغيرة اش بغيتي بشي حب وغرام فيه غير المرض شوفي فين وصلتي راسك(باست يديها)انا كبر منك ونال مني شفتي سليم هههههه(ضحكات وسط بكاها)هههه شفتيه شحال غزال ملي كنت صغيرة كان كيقول ليهم هاجر كنبغيها هي مراتي انا كنت مزال صغيرة ملي كبرت تعلقت بيه ولكن هو صافي(بدات كتمسح دموعها)نساني هههه اشمن نساني داكشي كان غير ديال الصغر واش السيد كان كيقرا هنا فالمغرب غير مع شكون وشكون وملي مشا لبرا ثاني غير الشهبة والصفرة والسمرة دوزهم كاملين غادي يديها فيا انا ايوة ملي جا بدا بعيادة ومن بعد كلينيك قد الخلا غير لي خدامين معاه شوفي كيف دايرين هههه هممم داكشي باش انا قررت من شحال هدا نحتافظ بحبو في قلبي ونحاول نساه بيني وبينك ما قديتش نساه ولكن محتافظة بالصرامة ديالي ملي شفتك اليوم وعرفت السبب كنت ملي كنشوفك كتشوفي ف حاتم كنقول الله يهديك ا هاجر غير كيبان ليك البنت باقا صغيرة باغا تخرجي فيها العجب ولكن شكي كان بصح سمحي ليا ما قديتش نوقف معاك بالحق نتي وقفتي معايا علمتيني باش نجمع راسي ونوجدو لهاد اللحظة داكشي باش انا غادي نعاونك باش توقفي بصمود قدام لي بغاه قلبك وما يكونوش وراقك مكشوفين ليه ا حبيبتي(باست يديها ثاني بانت ليها حركات عينيها وكأنه شي دمعة غادي تهبط عرفاتها كانت فايقة وسمعات كلشي)انا عارفاك فايقة اول اختبار غادي نديرو ليك دبا غادي نعيط ليه نقوليه نتي فالطبيب هو غادي يجي يشوفك بغيتك ما تاثريش بالحضور ديالو صافي جاوبيني انا عارفاك فايقة