🥰 قصة بيان نصر 🥰 بالدارجة المغربية

🥰 الفصل 37 🥰

🌹بيان النصر🌹 بقلمي انا 😍 شمس الغريب 😍

البارت 261

كانو مجمعين ف دار نادية لي ساكنة ف ميني فيلا كل من نادية ووليداتها نسرين وولدها وفائزة معاهم ما خلاو ما دارو فهاد الايام الاولى من العطلة كيساريو ففائزة كساوها ساراوها داوها للالعاب ما خلاو فين داوها وهي كتقول غير هل من مزيد خلقات جو مع الوليدات ما كاين غير النشاط ها هو شاط وكيتسناو ف رحيمة تلتاحق بيهم هي وهاجر باش تكمل الباهية

نسرين" عرتو ا لبنات تشهيت غير شي طويجين بالقوق وجلبانة

فائزة" انا نطيبو ل ختي

نادية" ويلي جلسي قالاك انا نوض نصايبو واقيلة عندي جلبانة فالفريكو مقادة والقوق خديناه اليوم

فائزة تغبنات" لا واااا شفتي حرام عليكم ملي جيت و انا غير جالسة حتى الماعن ما كتخليوني نغسلهم ودبا والله حتى تخليوني انا لي نطيب ليكم العشا

نسرين" ياااا ختي كتبكي على الشقا وتمارة يهديك الله مازال تزوجي وتشبعي شقا على المسيو

فائزة باقا مغبنة" انا الى ما تزوجتش بلي بغيت والله لا طيبت ليه

نادية ضحكات بثقالة" الله الله وشكوون هاد مرضي الوالدين لي غادي طيبي ليه يا ختي ونتي ضاحكة

فائزة حنيكاتها فالبلاصة تزنكو اشنو بغيتوها تقول ليها خوك" واااا لي يستاهلني و صافي

نسرين" امممممم وا نوووضي يا ختي نوضي نشوفو حنة يديك ونزوجك لخويا

نادية" اشمن خوو ا ختي باقي عندك

نسرين راجعات راسها" اااح كنسا انا بلي هاداك المصيبة تزوج صافي

فائزة" وااا نوضو نوضو نطيبو هاد الطاجين الغزال ا ختي ل نسرين لي غادي تولد لينا شي قوقي مجلبن

ناضو للكوزينة مجموعين والدراري جالسين كيلعبو هنا وهنا ونادية عندها الخاطر يهرسو يشخشخو يرونو ما كتقول والو كتجمع هي وياهم داكشي لي رونو وصافي واقفة فالكوزينة فائزة كتنقي فالقوق وحاطا حداها ليقامة باش تقاد الطاجين نسرين كتصايب عصير بالفواكه مع صالاد بالخضر وباش تصايب لبنت ختها شوربة بالخضر في حين نادية كتصايب بيتزات للوليدات لا ما يبغيوش ياكلو الطاجين كلشي كيشقا بالضحك واللعب طالقين الموسيقى من تيليفون نسرين قلبوها شعبي وجلسو يركزو على داكشي دخلو معاهم لوليدات للكوزينة حتى هما كيشطحو نسرين كتصور وتصيفط للغروب واتساب لي مجموعين فيه كلهم شي نصف ساعة هاكاك كان الطاجين فوق البوطة منقصين عليه العواصر والشلايض والبيتزات كلشي مقاد هما هكاك حتى سمعو الصونيط فالباب ضارو كلهم شي كيشوف فشي والوليدات حبسو على الحركة حيت ما كيتسناو حتى واحد

🌹بيان النصر 🌹 بقلمي انا 😍 شمس الغريب 😍

البارت 262

عيسى واقف مصدوم من جرئتها وكونها صدقات امه واااايلي غادي يلقا هاد المشكل ديال انها تبقا شاكة فيه الله الله