🌹بيان النصر🌹 بقلمي انا 😍شمس الغريب😍
البارت الثاني والسبعون بعد المئة
خارجين فالمساء من المدرسة فرحانين علاش لا وهما كيدوزو مزيان واكيد غادي يجيبو نقط مشرفة جايين وكيتعاودو فطريق شي يجبد شي وهضرة تجبد هضرة حتى وقف عليهم ولد اسمر البشرة بشعر وعيون ولحية سوداء شاف فائزة خافت وهو يتبسم ليهم حتى بانو غمازاتو محفورين بحال ديال ريم
الولد" ريم بان ليا الحال مظلم وتقطع الضوء فالطريق الفوق قلت نجي منوراك
ريم" ياااا حسن خلعتينا خلعتي البنت مسكينة (شافت ففائزة) ماتخافيش هادا خويا الصغير حسن
فائزة" متشرفين ا خووويا
حسن مد ليها يديه" ليا الشرف
زاد قدامهم وهما من وراه كيهضرو ويضحكو حتى وصلو حدا المخبزة ثاني يالاه كيتوادعو حتى وقفات سيارته قدامهم فائزة صرطات ريقها عنداه يفهمها غلط ريم زادت هي وخوها معنقها بيد وغاديين هبط هو من الطموبيل وعينيه عليهم اما هي بقات واقفة كتسناه وتشوف نيت اش غادي يطرا ليها اللهم هنا ولا قدام خالتها وراجل خالتها وصل عندها ونطق مزير على سنانو
حاتم" يالاها ماغاداش طلعي
فائزة" بلاتي نهضرو ونطلعو
حاتم ضور عينيه الارجاء" نهضرو فالزنقة تصطيتي زيدي قدامي (كتشوف فيه وملامحها كلهم كيقولو عفاك) يالااه طلقيني
سبقها للاسانسور عاد تبعاتو بالجري دخلات وضغط على الزر
فائزة" وااا غير سمعني وسولني غير شكون هو بعدا بلا ماتقولها لخالتي
غير سمع جملتها ورك على زر الايقاف حتى تبلوكا لاسانسور وهي طير عليه معنقاه من كرشو بحال شي بنية وجهها خشاتو فعضلات صدرو شداتو الضحكة بالفقسة ديالها
فائزة" حرررررررك هاد الزمر
حاتم" ياك بغيتي نهضرو يالاه نهضرو
فائزة باقا مخشية فيه" وراااه خوووووها خو ريم جا يتلاقا ليها حيت الضوء تقطع عندهم جهتهم لاااهيلا الى بغيتي نمشيو نشوفو واش الضوء بصح مقطوع يالاه
حاتم" غدا ماقارياش الصباح ياك
فائزة" غدا ماقارياش النهار كامل الصباح خاوي والعشية استاذتنا غادي تمشي للنيابة والاستاذ لاخر غادي يدير فرض للقسم الاخر ولكن غادي يعوضو لينا السبت والاحد علااااش سولتي
حاتم" غادي تمشي معايا نشوف ليلى ممكن الى مابغيتيش بلاش
ضغيا قاطعاتو" لا لا بغيييت بغيت غادي نمشي معاك
حرك لاسانسور عاد بعدات منو وصلو للطابق ديالهم مشات هي الاولى حلات الباب ولات كتسابق معاه على دارو دخلات للطواليط هي الاولى وعاد تبعاتو لقاتو هز ليها شكارتها من الباب لقات خالتها هي وسي محمد حاطين قهيوة وجالسين كيتفرجو مابانتش ليها هاجر
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
