🥰 قصة بيان نصر 🥰 بالدارجة المغربية

😍 الفصل 63 😊

🌹 بيان النصر 🌹 بقلمي انا 😍 شمس الغريب 😍

البارت 479

ملي داها للدار سد الباب بالساروت ودخل للبيت دياله ينعس مخليها بقات تغوت وتجدب حتى نهض فيها من البيت عاد جلسات فالسيجور شعلات التلفازة لي ما عمراتش ليها العين مشات كتبقش فديك الخزانة لي حدا التيفي ما لقات حتى كتاب عجبها مشات ليه تاني للبيت كتزعزع فيه

فائزة" حاااتيييم

حاتم ناعس عيان" وي شنو افااائزة خليني نعس غير ربع ساعة

فائزة مغبنة" جبتيني حبستيني هنا ونعستي ومخليني بوحدي بحال الحمقة

حاتم مغمض عينيه" اجي نعسي حتى انت ارتاحي ليك شوية

فائزة" لا عطيني الساروت ديال المكتب غادي نمشي نقرا شي كتاب تما

حاتم طرطق عينه فيها ملي سمع المكتب" ا لااااا ا فااائزة المكتب لا

فائزة" والله ما ندير شي حاجة غادي نجلس فداك الكرسي المعزول

ملي بانت ليه جدية وراها الساروت فين حاطو مشات هزاتو ونيشان للمكتب حلات الباب وخلاته محلول عليها نيشان للخزانة خدات كتاب كيهضر على الطب والمعدات الطبية ضحكات حتى بانت ليها ضرصة العقل ومشات جلسات جنب الفايوز الطويلة لي جنبها كاين كرسي مريح تما تجبدات وجلسات كتقرى فالكتاب وهي فرحانة دازت اكثر من ساعة وهي على نفس الوضع ما ملاتش من قراءة داك الكتاب لي كيهضر على الحلم ديالها اما حاتم شبع نعاس مع الكالم وحسها مقطوع خلاه ينعس ملي تفكر بلي راه فائزة هاديك وخدات الساروت ديال المكتب ناض بالزربة للدوش دوش وبدل حوايجو ومشا فاتجاه المكتب كيتختل باش يشدها قيطي دخل ما حساتش بيه كتقرى الكتاب وتبتاسم معاه وصل عند راسها عاد هزات فيه راسها

فائزة بابتسامة كان داك الكتاب بحال شي ابرة مهدئة" حاااتييم فقتي

حاتم هبط كيشوف عنوان الكتاب عاد عرفها علاش مكالميا" هممم قول هاكا ما فيكش جووع

فائزة" الصراحة فيا راه وقت الغداء هادا يالاه نمشيو

حاتم" بلاتي نشرب قهيوة

فائزة وقفات" نصايبها ليك

حاتم" بلا ما تعذبي راسك اجي حدايا ووجدي راسك باش نمشيو

فائزة هزات الكتاب قدام عينيه" واخا نديه معايا

حاتم جا طبع قبلة على جبينها" خوديه يالاه غير اجي

🌹 بيان النصر 🌹 بقلمي انا 😍 شمس الغريب 😍

البارت 480

هاجر شافت ف سليم" شوووكرا اا سليم ما عرفتش شنو نقول ليك

سليم" قولي ليا واش ممكن ندوز من وراك عشية نتعشاو برا

هاجر هبطات راسها حشمانة" واخا انا نقولها ل ماما ونرد عليك