🥰 قصة بيان نصر 🥰 بالدارجة المغربية

😍 الفصل 73 😊

🌹 بيان النصر 🌹 بقلمي انا 😍 شمس الغريب 😍

البارت 558

مريم واقفة كتشوف مع السيدة لي لقات مشكل فجلابة وكتشرح ليها شنو وقع ومريم واقفة بطاي تحلف عليها عندها عشرين عام ماشي كملات خمسطاش سنة

مريم" واخاا ا لالة ايمتا خديتي من عندنا جلابة

المراة" نهار جمعة

مريم كتقلب فيها" ولكن هاد الموديل ما عندناش ا لالة هانتي شوفي

المراة غوتات" هي انا دباااا كذاااااابة

مريم بابتسامة كتحاول تهدن الوضع" حاااشا ا لالة ولكن هاد جلابة ماشي من ديالنا هانتي قلبي بيديك

المراة" اناااا جيييت لهاد المحل وهنا خديتها

الناس بداو كيشوفو والشوهة عزيزة على المغاربة مهى جات كتعوج رجليها وصلات عندهم ملي بانت ليها القضية غاديا تكبر والناس غادي ينفرو

مهى بضحكة صفرة" احممم لالة ياااك لباس قولي ليا نساعدك

المراة كتوريها جلابة بالنترة وتغوت وتهز فيديها" شوووفي شريييت من عندكم هاد الشرويطة التصبينة الاولى قفزات ملي وريتها ليها خرجات فيا عينيها قالت ليك ماشي ديالكم هاد الموديل

مهى خرجات عينيها ف مريم وغوتات عليها" طييييري من هنا يالااه اش واقفة مزال كديري ياااالااااه

مريم طارت من تما والدمعة ف عينيها واقفة طلعات للبيت ديال التبدال وجلسات تما كتبكي وتخنخن ومهى كتقلب جلابة ديال المراة لقاتها فعلا ماشي موديل ديالهم وجلسات كتبيض ف عينيها

المراة" ايييوة دبا شنو ردو ليا فلوسي ولا عوضوني بشي جلابة هادشي راه حشومة

مازال ما جاوباتها دخل يوسف مع الباب بمشية موزونة وبثقالة كيتمشى حجبانه معقودين وعينيه الرصاص كيخرج منهم ماشي المشكل لي وقع لا هادشي عادي وكيوقع ولكن تصرفات هاد مهى لي طلعات ليه فراسه

يوسف تبسم فوجهها ومد ليها يديه" انشوف جلابة ا لالة

مداتها ليه بعجرفة مشا نيشان للور تما كاين اسم المحل سرحو قدامها بنفس الابتسامة بقات غير مبلقة عينيها عاد هضر هو

يوسف" هاا نتي ا لالة هذا محل وردة هو لي كاين فالدورة ماشي ديالنا هاد الموديل

المراة حشمات من راسها وفنفس الوقت ما رضاتش" كووون غير قااالووها ليا من الاول

يوسف" كنظن قالوها ليك

بدات الهضرة كضور فالمحل كلاتي "هما المحل ديالهم زوين وسلعتهم نقية" "عمري خديت شي حاجة وما صدقاتش" "البنت قبيلة هاديك مريم المبشورة قالت ليها ماشي ديالهم" "وهادي حتى هي كتعرف غير تغوت على لي خدامين معاها"