🥰 قصة بيان نصر 🥰 بالدارجة المغربية

😊 الفصل 97😍

🌹 بيان النصر 🌹 بقلمي انا 😍 شمس الغريب 😍

البارت 760

العرس تسالا والناس مشاو بحالهم بقاو غير افراد العائلة واقرب المقربين ناضو كياخدو اخر صور مع العرسان بيان كانت غادي تموت بالنعاس والعياء هاد الصور اللخرين كانت فيهم مبجقلة جاب الله الصور لي بلا غوب ولي ما شافها بيهم حتى واحد من غير نصر والمصورة لي ختارها نصر امراة وجميلة ورحيمة لبساتها قبل من هاد التكشيطة البيضاء الاخيرة وخرجو لواحد القنت فيه الزهور بالالوان وبيسين من وراهم ودارو صور رومانسية تما عاد لبسات تكشيطة فالابيض وخرجات بيها عند الناس

نصر كيشوف فيها عيانة" سياادنا الله يعاونكم مراتي عيانة غادي نديها ترتاح

جميلة وقفات" اينا دار غادي تمشيو

رحيمة بابتسامة" اييه ااا وليدي فين غاديين باش نجيبو الفطور

نصر برزانة" غادي نمشيو غير للفيلا لي عندي هنا بيان عيانة وحتى انا ما فيا لي يسوق

عيسى وحاتم تمتمو" الله يجعلنا نثيقو

خرجوهم بجوج بالصلاة والسلام وبيان غير نصر لي مسندها عليه اما طيح ليهم تما بالنعاس غير بانت ليها الطموبيل ديال نصر بغات تمشي ليها حتى خرجات ليها كوثر

كوثر بابتسامة" حبيبة خاااص ترمي البوكي دفلوغ

بيان ضورات عينيها كتقلب حتى شافت شنو خاص تشوف والعائلة كلشي مجموع وحتى البنات لي تصافو باش يتخاطفو عليه نصر ابتاسم ليها وطلقها بعد ما تاكد بلي عقلات على شنو خاص دير عطاتهم بالظهر وهي راجع ليها الحماس ديال قبل دارت بحال الى غادي ترميه المرة الاولى والثانية والثالثة ضارت كلها عندهم وتقدمات عند فائزة لي كانت واقفة فالمقدمة قربات منها وفائزة مبهورة واش اختها غادي تعطيه ليها قربات ليها بيان بابتسامة ومدات ليها البوكي

فائزة بحالها بحال البنات كانت كتسنى بيان ترمي البوكي باش تشدو لكن ملي ضارت وبانت ليها قاصداها حسات بالفرحة والبكية عجبها لو جيست لي دارت اختها هي كتقرب وفائزة غادي تبكي غير خافت لا تجخمر كيف مداته ليها بيان قبطاته مبتاسمة وطارت عنقاتها وهي كتمنى ليها حياة سعيدة بداو كيبكيو بجوجات حتى جا نصر خدا بيان ووقفو بجوج قبالتها وهي كتحس بشي يد كتنقر على كتافها من الخلف ضارت كلها حتى لقاته واقف من وراها بجماله اليوم لي كيضاهيها فيه وقفات بحال الجماد الدموع حبسو

حاتم بابتسامة غزالة مزينة محياه" فاااائييزة مااا بغيتش نركع حيت كنركع غير ل ربي ونتي عارفة هادشي مزيان عاد راني ما عنديش مع هادشي غير نسرين لي خططات لهادشي كله وعلماتني يعني راك عارفة شنو كاين حتى الكلمات هربو ليا المهم والاهم هو انني كنبغيك من الصغر وقلبي متعلق بيك ومن ديما كنتي البنت لي كنتمنى نكمل معاها حياتي (هبط عينيه الزورق وعاود طلعهم فيها هي لي قلبها غادي يوقف كتمنى ما يكونش حلم وتفيق منه غادي تموت داك الساعة رجعها لوعيها) فااااائييزة تقبلي تزوجي بيا