🥰 قصة بيان نصر 🥰 بالدارجة المغربية

🥰 الفصل 21 🥰

🌹بيان النصر🌹 بقلمي انا 😍شمس الغريب😍

البارت الواحد والاربعون بعد المئة

عند بيان لي من بعد مشاو هي للمعهد والبنات مشاو للمدرسة جا من وراهم الشيفور كلهم حيت غاديين اليوم يمشيو للقصر الطريق كلها وهما كيوصيو بيان كانو كلهم راكبين للور بيان الوسط وها بجنبها عنزوها كل مرة دايرة عند وحدة

يمنى دوراتها عندها" شوفي عنداااك عنداك تقولي لشي حد بلي نتي كتقراي

يسرى عاودات دوراتها حتى هي ولات بحال شي كرة ديال التنس" قولي ل كلشي بلي نتي غير(ماعرفاتش تخرجها)كتعاوني شيماء

بيان" صااافي واخا واش حتى فاطمة مانقولهاش

يسرى" حتى زعطوطة ما تقوليهاش ليها صافي ا زين

هما كيهضرو وقفو فالسطوب جنب سيارة لي كانت ديال حاتم فائزة كتنين بانت ليها ختها وجنبها جوج بنات كان كيصحاب ليها كيبان ليها جوج من الحاجة بكثرة الوجع كتنين وكتقول ختي بيان بشوية وحاتم ملي قلب راسها قال راه غير كتنين وهي براسها صحاب ليها واش غير كتخايل اما بيان لي كانو كيهضرو ماداتهاش كاع السيارة لي حداهم الشيفور فقط لي شافها عرها مريضة قال لا حول ولا قوة الا بالله العلي العظيم تما شعل الضوء وطار حاتم مخلي غير الضباب

يمنى" مالك ا عمي الحاج

الشيفور" والو ا بنتي غير واحد لبنية فديك الطموبيل باينة مريضة بزاف

البنات" الله يشافيها يا ربي

وصل الشيفور قدام النافورة ديال القصر وهو مبتسم من مناقرات البنات لي ديما شابع معاهم نشاط هبطو البنات بيان توادعات معاهم من الباب باش تمشي دخل من باب الكوزينة دخلات لقات كلشي تما توحشاتهم بزاف علاش لا وهي دوزات معاهم وقيتة اي واحد كندوزو معاه شي وقت واخا نكونو ماكنتفاهموش معاه كتبقى بلاصتو ملي كيغيب دخلات بيان من الباب وهي لابسة سروال اسود واسع شوية مع تريكو صوف رمادي مكتوب فيها بالاسود بي هابي فيه فتحات من جنب وبالغين بالرمادي شافت كلشي ملاهي

بيان تكلمات بالهمس بطريقة ملحنة" السلااااااااامووو عليكوووم

الكل" وعليكم السلام

فاطمة طارت عندها عنقاتها" يااااا ختي على الزين جا زارنا اليوم توحشتك

بيان مبادلاها العناق فاطمة عزيزة عندها بزاف" توحشتك حتى انا بزاااااااف بزااف

حفيظة لي ولات لباس ملي تبعات مع طبيب مختص باكتئاب الحوامل جاية بكريشتها" خليني نعنقها حتى انا يااا ختي وقداش خليتي بلاصتك كبيرة وشوفي عندي بنية غادي نسميها بيان ياااا ختي

بيان عنقاتها حتى هي هادي اول مرة طول حفيظة الهضرة حيت الوقت لي جات فيه هي كانت مريضة" يااا ختي الله يفك وحايلك على خير الله يرحك بيها نتي وخويا ياسين