🥰 قصة بيان نصر 🥰 بالدارجة المغربية

🥰 الفصل 35 🥰

🌹بيان النصر🌹 بقلمي انا 😍 شمس الغريب 😍

البارت 245

تجمعو فدار خوهم بالضحك والنشاط وليلى عينيها مغرغرين تمنات كون بقات ملمومة مع عائلتها ببحال هاد اللمة ولكن هيهات هيهات وتمنات تاني كون كانت عروسة فهاد الدار ولكن عروسة صحيحة ماشي بحال هادشي لي هي فيه بقات غير ساهية فيهم ومرة مرة تمشي عينيها ل فائزة وتقول علاش هي ما تعامل معاها حتى واحد بحال كما كيعاملوها هي غير دبا كل مرة واحد يشكرها على قرايتها ولا على جمالها كل واحد واش كيقول

نسرين" شووووفي يااا ختي يسرى كيفاش لاصقة على فائزة

نادية" الدراري صغار كيمشيو غير لعند لي قلبهم ابيض بحالهم وفائزة منهم

فائزة" ياااا ختي وليداتكم الله يحفظهم اصلا كاع ما باسلين

نسرين" اجي ا فائزة نتي عطلة دبا

فائزة" اممم اه

نسرين" ايوة يالاه ا ختي بدلي الجو يالاه معانا

نادية" والله الى يالاهي معانا يالاه حفيظ غادي يمشي ل فرنسا هاد السيمانة

نسرين" و انا جلال غادي لدارهم ا ختي شي ايام مزال ما عرفت شحال غادي يجلس

رحيمة" وا سيري مع راجلك اش هاد الفضيحة هو غادي ونتي تجلسي من وراه

نسرين" عندهم داكشي ديال الورث ديالهم فالزيتون باغين يقسمو الارباح غير الخوت والخواتات مع امهم فقط حنا ا ختي ممنوع

رحيمة" اااه ايوة خليهم

نادية" دبا ا ماما اش قلتي يالاه معانا نتي وفائزة حتى يلحق عليكم بابا وهاجر

رحيمة" لا لا غير ديو معاكم فائزة تبدل الجو انا نبقى مع هاجر حتى دوز ونجي انا وياها نجيبو فائزة ونضربو دويرة

هاجر" ويلي غادي ديو ليا الحب ديال قلبي وتخليوني (عنقات فائزة)

نسرين" اش قلتي ا فائزة كلشي موافق

فائزة فرحانة باغيا تمشي تشوف مدينة جديدة" اااه نمشي معاكم

بقاو امجد وهارون كيغوتو فرحانين حيت فائزة غادي تمشي معاهم لدارهم باغيين يوريوها بيوتهم والعابهم واي حاجة عندهم عزيزة حيت فائزة خدات مكان في قلوبهم ضغيا دارت بلاصتها كانت شادة يسرى وهاد الاخيرة كتماطا عند حاتم لي كيلعب معاها عن بعد وهي باغيا تمشي لعنده قشعاتها ليلى وناضت بغات دير حتى هي شي حاجة بغات تاخدها من عند فائزة باش تعطيها ل حاتم ساعة قندشات يسرى شوية ما تنتف ليلى لي حسات براسها مقموعة من طرف الكبير وصغير فهاد العائلة

فائزة بدات كتسكتها وضحك معاها" بغيتي تمشي عند خااالو هممم قولي ا لفنون

مداتها ليه وهو تعمد انه يقيس يدين فائزة بيديه حتى تزنكات وهادشي كله قشعاته نسرين لي غير مقابلاهم وحاضياهم باش تعرف واش داكشي لي فبالها هو هاداك خوها مازال ما قال والو ليها ولكن هي كتعرفو مزيان