🥰 قصة بيان نصر 🥰 بالدارجة المغربية

🥰 الفصل الرابع 🥰

🌹بيان النصر 🌹 بقلمي انا 😍شمس الغريب 😍

البارت الثامن والعشرون

نرجعو للبلاد والدوار بعد مانقزات فائزة المرضة ديال السخانة حسات براسها مزيان ناضت دوشات وبدلات حوايجها وجمعات الفراش فاش كانت مريضة وناضت بغات تمشي تصبنهم فالواد شافتها مراة باها وفاطمة اما مريم راه مشات للسرحة للي كانو جالسين كيتبردوفالباحة للي فوسط الدار وكينقيو الزرع هاد يومين كانو كيديرو الشقا كلو قدام باهم يخدموها ومايخليوهاش تحرك لي بغاتها يحضروها غير يخرج باهم يخرجو نيابهم وهي دايرة فيها مغيبة باش تعرف راسها معامن ختها للي تهز عليها الدقة ماكيناش خصها تخدم عقلها تاتسل شوكتها بلا دم من باها وتريكتو

رابحة" لاين مسريا بالسلامة فهاد الصباح ياك اودي لباس دوزي تجلسي ماقادة على صداع مع باك

مجاوباتهاش فائزة نخلاتها و مشات تبردع الحمار باش تهز عليه الفراش لي غاتصبن حتى شافت باها جاي ورجعات كضور حداهم كتسناهم يجبدوها وفعلا داكشي للي كان

فاطمة"شوفي ا ميي هاد الشايطة منخلاك ونتي كتهضري معاها نوض ليها نوريها تنخال بشحال كيطلع

رابحة(فرحانة ببنتها للي مخرجة نيابها)" ملي تضربيها ما تخليش الامارة ليشوفها باك (فائزة شافت بنص عين باها كيتصنط عاد جاوباتهم بتمسكين تقولي هنا نبات)

فائزة" ياك اختي اا صغيرة للي ركبت ووكلت تقولي ضربيني بالحق للي ضرباتو يدو ما يبكي ونتي ا خالتي قلت تبدلتي وبغيتي تبداي صفحة جديدة داكشي باش حنيتي فيا ملي كنت مريضة علاش دبا تقلبتو

دخل ديك ساعة باها بلا مايتسنا مرتو تهضر ماباغيش يسمع لي ماباغيش اللهم يبقى غالط فبناتو احسن

التهامي(قصد فاطمة عطاها بجوج تصرفيقات وهز العصا شبرها معاها) حتارمي ختك ااا لكلبة ماباغي صداع انا(شير لرابحة) ونتي ااش هادشي سمعت راه ماتلومي غير راسك(ضار لفاائزة للي كتسب فيه فخاطرها علاش يدخل دبا) ما كاين خروج من اليوم العتبة ماتفوتيها الشقا ديال الدار ليك ولرابحة والزنقا خواتاتك ولي دار الدنب ها العصا

فائزة(فخاطرها)" ديك العصا بغات ضلوعك الصراحة

🌹بيان النصر🌹 بقلمي انا 😍شمس الغريب 😍

البارت الثلاثون

خديجة" علاش ريحانة مارجعاتش معاكم ماموالفاش ليها

صلاح" جات معطلة عندها الزهر ماكانش المصيبة ليوما اااي ا تي مالك(ضرباتو جميلة ونتفاتو حيت متكي عليها)

جميلة"ماتعايرش ليا ولدي ا ميخي تقول على خوك مصيبة اجي بعدا غايجي غدا يااك ضروري يحضر وليدي

رشيد(كيغير منو حيت عزيز عليها بزاف)" امم غير نتي للي والدة امسكينة بزز منو يجي راه هو للي كيعرفهم اما ريحان راه مشات تقضى شنو تلبس راه التصاميم ديالها خاصها تشرحهم نصر عطاها فرصة ذهبية مع هاد الكوريين