🥰 قصة بيان نصر 🥰 بالدارجة المغربية

😍 الفصل 67 😊

🌹 بيان النصر 🌹 بقلمي انا 😍 شمس الغريب 😍

البارت 505

غير شرقات الشميسة حلات حتى هي عينيها اصلا ما داهاش النعاس ضغيا ناضت للكوزينة وجدات الفطور وحطاته فوق الطبلة كلشي صابح خامر علاش لا ونهاية الاسبوع هادي على الغدايد لي فيها صايبات المسمن ما حسات براسها حتى لقاته فالطبسيل مشات زادته على الفطور رجعات للكوزينة تغسل اش رونات

وقف عليها حاتم يالاه مدوش ومصحصح" مالك مبكرة ثاني ناوية على شي مصيبة

فائزة قطبات حواجبها" سبحااااان الله جيتي فيها نيشان

حاتم قرب منها ضورها عنده" يااااك لباااس

فائزة بنرفزة" هاااادوووك عائلة صاحبك واش كيصحاب ليهم بيان لعبة لقاوها ضريفة مسكينة علاش يشدوها تبات عندهم و الى داااك صاحبك دار ليها شي حاااجة هااا غير قووول

حاتم تبت فيها الشوفة" نصر يضر راسه وما يضرهاش

فائزة باستهزاء" هااااادشي قباااااال ما يفقدها اما دبا نسااها ماا بقاش عاقل لا عليها ولا على الطريق لي جابتها

حاتم" واخااا هاكاااااك ا فائزة

فائزة ضارت هازة عليه موس من لي كتغسل" غااااادي تفطر وتزيد قداااامي نجيبوووها وانا لي غادي نسمعهم لييه مزيان

حاتم خنزر فيها ومشا يقاد ليه قهوة" حتى نكون حمق ديك الساعة نديك

فائزة بدات كتبكي وهو عارفها كتبوحط عليه شوية مشات عنده" والله وما ديتيني حتى نقول ل خالتي راه ما كاين والو من بلان ديك خرية ماشي ليلى

حاتم هز فيها راسه" يااااااك ااا فااائييزة هادي هي قول ليها كلشي وديرها مخبئ اسرارك

فائزة بتوسل" واااا عااااونني واش ترضى اختي تدل والله هي ما غادي دافع على راسها وانا ما نهضر الا الى بانت ليا شي حاجة خايبة والله ما نحشمك معاهم

حاتم بقا مخنزر فيها كيشرب قهوته حتى نطقات بالجملة لي سالات معاه وجابت ليه الضحكة

فائزة" الله يخليني ليك

تجمعو على الفطور ومن وراه مباشرة مشات لبسات سروال ابيض مع قبية حمراء مرسومين فيها شي تويشات بالاسود سبردية كحلة ولاحت عليها بحال السلهام اسود

🌹 بيان النصر 🌹 بقلمي انا 😍 شمس الغريب 😍

البارت 506

الشمس بدات كتدخل من الشرجم عنكشاتها خصوصا وانها شبعات نعاس مع داك المهدئ بدات كتستاعد تفيق مخصرة وجهها وسادة عينيها على الشمس وراسها محطوط على شي حاجة قاصحة لا هدا راه الجسم ديال شي حد بدات كتقيس بيديها وانتافضات خايفة من حضنه هو لي كان مزير عليها غير تنترات حل عينيه مخصر حيت فاق بلا خاطر ناض تكا على الكاضر وهي تكحزات القدام كتشوف فيه وتحلل وتفسر مسترجعة احداث البارح كاملين فعقلها عاد وقفات ليه فوق الناموسية