🥰 قصة بيان نصر 🥰 بالدارجة المغربية

😊 الفصل 80 😍

🌹 بيان النصر 🌹 بقلمي انا 😍 شمس الغريب 😍

البارت 618

ملي حسات بيديها تنطرات ضارت مفزوعة وحتى الدراري وقفو كيشوفو شنو واقع جاو كيجريو اتجاهها والهام وبشرى حتى هما كيشوفو من البعد وقفو وبشرى تيلي فيديها كتعلم يوسف يجي

مريم كتكمد يديها" ماالكي ااا ختي اش درت ليك

اية بالغوات لابسة مايو دو بييس بحال الى ماشي هي لي طلات على الموت وجات" كييييفاااااااش خااااارجة نتي بولدي شكووون عطاااااك هااد الحق

مريم كطلب غير الفكاك" شوووفي اا ختي راه حنا كلنا هنا راااه مي بشرى والهام

حكيم كيغوت" علاااااش كتغوتي على طاطا مريم وعلاااش نتي عراااانة كلشي كيشوووف فييك

اية دفعاته وخرجات فيه عينيها" انت صبر عليا نسااالي مع هاد العروووبية لي كملات ***** ديالها وجااات باغيا دير فيها الشريفة العفيفة

مريم وجهها ولا احمر وكلشي طالق ودنيه معاهم وكيقرب" استغفر الله لعني الشيطان اا ختي اية

بشرى وصلات كتنهج بجري ملي توضحات ليها الصورة والهام بعدات الدراري شوية ووقفات التيلي فيديها لا يصوني عليهم

بشرى مغوبشة فيها" ياااا هاااد البنت وااش ماا بغيتيش تلعني الشيطااان اش بغيتي عند مريم

اية كتغوت وتشهد الناس لي من اللبس وطريقة الكلام كيبان شكون عنده الحق من الكذاب" اااااش بغااااات هي عندي شتتات ليا عاااائلتي وفرقاتني على ولدي باش تربي خوووها كتبيني انا الخايبة باش تبان هي مزيااااانة

بشرى بهدوء تام" يهديك الله سبع سنين باش نتي مطلقة ومريم جات غير ثلث سنين اش فرقاااتك اش

جا واحد من صحابها لابس غير شورط عنقها كيبوس فيها قدامهم حتى قلبو وجههم كيستاعذو بالله" تهدني ااا اية حبيبة غادي تعصبي هو لي خاااسر بوكوووصة بحااالك

دفعاته وضارت كتقلب على حكيم لي كله كيفيبري بلاصته ملي شاف داك المنظر ديال الام دياله قدام عينيه جات كتجري باغيا تقرب منه لكن هو تجمع فبلاصته مزير على يديه ووجهه ولا كله احمر عروقتو تشنقو جات مريم كتجري وقفات بينها وبينه بغات تمد يديها عنده دفعاتها مريم حتى رجعات اربعة الخطوات اللور وضارت هي عند حكيم

مريم كتفتح ليه الصدايف الفوقانيين ديال الشوميز" حبيب تنفس مزياااااان ديييير بحاااالي يالاه غير بشوية هممممممم هوووووف هممممممم هوووووووف

حكيم بقا متبعها بشوية بشوية كيترخف وبدا بالسعال جراته خشاته فحضنها وهو زير عليها كيبانه ام وابنها ديال بصح الناس تما بداو كيوشوشو "شوف الام كيف دايرة حتى من الدري متعلق بيها" "واييييه ماشي بحال هاد الممسوخة من الصباح وهي كتبوزا عاد تفكرات ولدها" "شوف حتى ولدها هرب منها"