🌹 بيان النصر 🌹 بقلمي انا 😍 شمس الغريب 😍
البارت 776
رشيدة غادي تاكل جنابها بالفقصة قدامها كانت سامية جالسة متبعاها بعينيها واخت رشيدة الصغيرة فيهم سناء تكون عندها شي 33 سنة متزوجة وام لطفلين جات من بعد ما اصرات عليها رشيدة تجي كانت معصبة وباغيا غير علامن تفش
سناء كترجع شعرها اللور" دبا علاش كتفقصي راسك خليييه يمشي ملي يعرف بلي الغلط منهم غادي يرجع ليك
كتحرك راسها وصبعها كلشي ب لا بهيستيرية" وييلي لا ماااا يمكنش هادي ماشي دقة عاديا جاتو هادو خدمو ليا الولد والراجل
سناء" يااااك كنت كنقول ليك زواج العائلة مامنوش ملي كنتي بغيتي تخطبي ليه بنت ختي خديجة ياااك هاديك بنت ختنا وقلت ليك لا
سامية ميقات" ايييوة ااا طااااتي هادي هو لي بغاها واخا عيات ماما ولكن لصق وبابا حتى هو عجبو الحال حيت بنت خووه
سناء قلبو ليها مخها ملي جات وهي ما فهمات والو كتقول ليها شنو دارت ليك كتقول ليها كدير غير بالبارد وباغيا تمرض ليا بنتي وباغيا تاخد ليا ولدي وملي تصوني ل سليم وما يجاوبهاش تقوليها هي لي محرشاه عليا
سناء وقفات كتقاد جلابتها الرمادية لي مخيطة بلونها ومعاها لابسة صندالة طالون بالاسود مع صاك مربع" اييوة وقفي لبسي ويالاه نمشيو عنده للدار قولي ليه بلي جيت نشوفو ودزت عليك داكشي باش كنتي تصوني
حركات صبعها بلا" اااانا نمشي لعندها لهلا يحييها
تعصبات سناء" اييييوة لاااش ااا ختي معيطة عليا هااكااا رااجلي خليت ليه الدراري وجيت بحال الى غاديا نتلاقا مع الصاحب
سامية ميقات فيها" ماااالو حتى هو ياكما سخنو عليه عظااامو ايوة نهااار كله ونتي فالدار اش فيها الى خرجتي شوية
هزات صبعها بتحذير" دخلي سوووق راااااسك ااا سااامية راني عارفاااك كتجبدي الصدااع وعزيز عليك تشووفي المشاكل
رشيدة شافتهم غادي يضاربو" صااافي سكتووني انا نلبس جلابتي ونمشيو (شافت ف سامية) نووضي لبسي نتي
وقفات بالنترة مشات للبيت تلبس وهي ما حاملاش خالتها سناء لي فبداية الثلاثينات تزوجات صغيرة شوية باحد اللاعبين الدوليين لي اعتازلو الكورة ودار علاش يرجع حيت كان كيلعب فالخليج قدر يدير ثلاثة المطاعم كبار جوج باتيسريات وعنده شي فيرمة كبيرة قرقبات عليه سناء حيت كان ولد جيرانهم بقات مصاحبة معاه واخا كبر منها بعشر سنين وتزوجات بيه ولدات معاه جوج وليدات ما كملاتش قرايتها فلافاك بالحق كتعاون راجلها فمشاريعه وحتى هو طالق ليها الصرف فيديها ديما لابسة مزيان والذهوبات لعلك ترضى وتجلس غير فين وفين وتسافر كل مرة لبلاصة
أنت تقرأ
🥰 قصة بيان نصر 🥰 بالدارجة المغربية
أدب نسائيالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
