🥰 قصة بيان نصر 🥰 بالدارجة المغربية

🥰 الفصل 58 🥰

🌹 بيان النصر 🌹 بقلمي انا 😍 شمس الغريب 😍

البارت 438

الدار لي فيها البنات واخا كيقولو خالية ولكن لا الصراحة نعمة رحيمة كانت جالسة بامر من بيان وفائزة لي كل وحدة قالت سبة لخالتها غير الفرق انهم عايقين بجوج ببعضياتهم كيكذبو بيان رادة طاجين وفائزة كتصايب فصالاد والمانك باغيا تصايب بيه عصير اما رحيمة جالسة فالصالون هي ومحمد وحاتم لي مخو كله مع الغد ومع الكارط ميموار لي لقات فائزة دخلات عليهم هاجر كتحيد فحوايجها من الباب جات جلسات فوق بوفة فالباب

هاجر" حاااتيييييم دااااك صاحبك يا خويا محرشهم عليا فييين ما كان شي ضوصيي خاااامر جبدو ليا

حاتم جابت ليه الضحكة" بغاااك تعرفي قوالب الخدمة وصااافي

هاجر" الله ا خويا الله الموت الموت

رحيمة بقات فيها" نووضي نوضي كمدي عضيماتك بشي دوش سخون وشوفي خواتاتك ما خلاوني نقيس معاهم والو

هاجر" مساكن خليتهم اليوم بلا ما نجيبهم

مشات للبيت نيشان دخلات للدوش كمدات عضيماتها من بعد ديك لاسوب لي طلعات ليها الحرارة خرجات لبسات بيجامة سخونة ومشات عند البنات عنقاتهم وجلسات مجمعة معاهم عاودات ليهم على سليم بلي جا من وراها كلشي بالتفصيل

هاجر" ايييوة شكون جابكم جيتو فطاكسي

بيان بقات كضور ف عينيها فالاخير قالت مع راسها شحال جلست مع البنات وباهية كيعاودو لبعضياتهم كلشي وحتي هاجر وفائزة نفس الشيء بيناتهم علاش حتى انا ما نجمعش مع خواتاتي اخرتها موت وداكشي لي كان ساست ليهم المزيودة وهما حالات فيها فمهم

هاجر" حولوووو يا ختي حولوووو فين ما كان شي ضوصي معقد جبدو ليا قاليييك درسي وديري تقرير

بيان ضارت ل فائزة مصغرة عينيها" ونتي ا مووو زبااايل

هاجر" شفتي من ديك التضويرة ديال عينيها نبصم ليك عليها بلي كانت مع حاتم

بيان شرعات فمها وعينيها" اويييلي حاااتيييم اش داك ليه

هاجر ضربات على راسها" احممم احمم زعما هو لي غادي يكون جابها وو وحيت فاشك يجيبها كيديها تاااكل داكشي لي كيعجبها كتجي يا ختي فرحانة (شافت ففائزة لي هرب ليها اللون) ياااك ا فااائزة

فائزة" تماااااماا

🌹 بيان النصر 🌹 بقلمي انا 😍 شمس الغريب 😍

البارت 439

ريحانة ملي جات لدار خالها وهي دايرة منذبة الماكلة كطلع ليها حتى للبيت وجميلة مامخلياهاش بوحدها واقفة معاها وباغياها ترجع كما كانت لان حالتها تدهورات ضعافت تحت عينيها زراق وضعاافت وغير كتبكي