🥰 قصة بيان نصر 🥰 بالدارجة المغربية

🥰 الفصل 45 🥰

🌹بيان النصر 🌹 بقلمي انا 😍 شمس الغريب😍

البارت 329

زهرة واقفة فواحد الشرجم فالبيت لي مشاو ليه جديد على اساس مشاو يعزيو هاد العزو كاع ما بغى يسالي واقفة تابتة مجننة ما بيها بليلى لي تحت رحمة يعقوب وما تقدر دير والو ما بيها بولدها لي باقي ما خرج الى ليلى قالت شي حاجة غادي يضيع ولدها والحلم ديالها هي وياه وحلم العائلة ديالها بصفة عامة هي باقيا عاقلة نهار قال ليها حمزة عدنان ولدها بلي غادي يجيب ليها بنت نسخة طبق الاصل على بنتها لا وحتى فالاسم ف ليلى نفس الاسم كانت صدمة كبيرة ملي علمها ولدها بلي بنتها ماتت ولكن خاصها تكون قوية الى بغات عائلتها تولي هي لي حاكمة المنظمة لذلك صبرات على جال ولدها

النهار لي جاب حمزة ليلى كانت مغنبرة كاملة كايبانو فيها غير العينين لي مكحلين بالكحل البلدي دخلات عليهم وهما فرحانين بيها كل من ابو حمزة ومنير وحتى زهرة لي شافها يقول ما عارفة والو وبلي هاديك فعلا بنتها وبلي بنتها ماماتتش هادشي كله باش وريثها يكون هو رئيس المنظمة تلاقات ليها بالعطر وبعصير رمان مقطر ومخمر كانت اول مرة تشرب ليلى شي شراب

زهرة خداتها فالحضن ديالها" مرحبا ببنتي واخيرا هزيتي راسي وراس ابيك واخوتك مرحبا حبيبتي

ليلى ضهشرات شوية وتنسى كل ما حفضها حمزة خدات بالزربة يد زهرة قبلاتها عاد تعانقو وهي مصدومة من راسها ولكن كلشي يهون على ود الفلوس المال والجاه ابو حمزة خداها من يدين زهرة مقبل راسها فوق النقاب وهو فرحان ببنتو لي رجعات ليه سالمة غانمة في حين منير كانو عينيه كيخرجو منهم القلوبة كيشوف فالاخت دياله كيفاش ولات ربات طروفة قبل ما تمشي كانت ضعيوفة دبا ربات خير ربي من وراها وقدامها كلشي كاين منير من ديما هو داك العاصي الابن المنبوذ كما كنقولو كان ديما كيلاحظ كيفاش تعامل الام والاب دياله مختالفين معاه عكس حمزة كان هو الكل فالكل ودبا ليلى حتى هي ولات محبوبتهم كان الاب ديالهم كيدير التمييز حتى فتفريق المهام ديما كيبين حمزة ومنير كيخليه فالظل باش ما ينافسش الاخ دياله منير كان متسرع عكس حمزة كيحسبها بالعقل وديما كيتفوق الشيء لي خلا منير يزيد يغرق فالظلال ويبقى يقلب على بداية الخلق ولكن بطريقة مغلوطة مشا كيفاش تكاثر الخلق من خلال ابونا ادم وامنا حواء وصدق كل ما يروج ودخل فعالم الغيب خصوصا من بعد ما زولات ليلى نقابها وبانت صورتها المكمولة غير شافها قلبو دق ثلاث دقات هههه قال هادي ليا هي اختي وهاكدا كان تكاثر من قبل يعني نتزوج اختي حلا عليا

من ديك اللحظة عدة مشاعر بداو كيتكونو فقلب منير وما كيعرفها حتى شي واحد ليلى نهار على نهار كانت كتزيان وزهرة كانت كتطعمها بافكار المنظمة وبلي هذا هو الدين الحقيقي السيدة طلمسااات ديال بصحو لات مصدقة كل كلمة من كلامهم بل كانو كيعطيوها دلائل لي تخليها تيق مئة بالمئة بكلامهم ولات واحدة منهم ولات حتى هي كتشارك فالمجالس الكبرى ديالهم خصوصا وان حمزة عارف ليها الكود ديالها الطمع والعين الزايغة كتبغيه هو اه ولكن كتبغي الفلوس اكثر منه يعني يبان ليها واحد زوين ولباس عليه غادي تنساه هو اكيد داكشي باش كان مانع هاد الباب يتفتح كان ديما مغرقها فلوس وكل مرة كتبغي تنساه كيديها للدار المعلومة يغرقها عسل فعسل مع اخد الاحتياطات دائما الشيء لي خلاها تحمل مرة واحدة فقط ولكن هيهات زهرة كانت لها بالمرصاد وطيحاته ليها ملي عاقت بيها تغيرات بقات حياتهم مدة هاكاك حتى لنهار غادي تبقى واحد الثغرة وغادي يتشد فيها حمزة وغادي يبغيو يبداو المشاكل تما بدا التخطيط الجيد لهاد المهمة وبلي ما خاصش يكون فيها حتى شي غلط وتكون سلمية حتى يخرج من السجن وداك الساعة غادي يتنفدو مجموعة من العمليات