🥰 قصة بيان نصر 🥰 بالدارجة المغربية

😊 الفصل 106😍

🌹 بيان النصر 🌹 بقلمي انا 😍 شمس الغريب 😍

البارت 832

بقات مصمرة اما هو دخل مد ليها يديه باش تسلم عليه وهو كيشوف تيلي ديالها حداها يعني كانت متعمدة ماتجاوبوش بقات مفافية ما عرفاتو ايمتا وصل حداها ومد ليها يديه تسلم عليه حتى قفزها منير" واااش ماا ناوياش تسلمي على اسااامة ولا شنو

قفزات فبلاصتها علاش هو ماشي حلم واش هو بصح معاهم دبا مدات يديها وبصوت مهموس غالبة عليه الصدمة" على سلامتك

وقفات مخلياه يجلس هو لي كيبعد عينيه باش ما يشوفش فيها حيت الكولون كان مزير جاب الله ملي وقفات التيشورشت هبط على مسعودة وكيشوف ثاني ف منير لي عينيه غير على التيفي من بعد ما رجع الماتش يتفرجو هو واسامة نيت يتزاد الحماس طارت للبيت ناسية التيلي ديالها تما حداه حيدات داك الكولون ولبسات كيطمة بيتية وقادات شعرها ورجعات للكوزينة فين جالسين حتى هما

فاطمة بتوثر ما عرفاتش علاش ما مرتاحاش هكا" بغيتو اتاي ولا قهوة

منير شاف ف اسامة لي كيشوف فيها غير بنص عين" خااي اسامة اتاي ولا قهوة

هو راه سمعها ودار راسه جاوب منير وهو قاصدها هي" لي جات من يديك عسل

منير ضار عندها هي لي مخنزرة ف اسامة تقول واكل ليها الورث" لي درتي اا فاااطمة بالحق عمري ل اسامة اتاي باينة غادي يكون موحشو

ما عاوداتش الهضرة ضارت كتلقم فاتاي وتوجد اش تحط معاه عينيها مركزين فشنو كدير وعقلها سارح فين وفين اما منير عينيه وعقله وكلشي ليه مع الكورة ما مديهاش فيهم فالمقابل اسامة مامركز مع حتى حاجة يديه هاز بيها تيلي ديالها كيدورو بين يديه من بعد ما لقاها طافياه وعينيه غير عليها ما فارقوهاش كيفكر ليها فالعقاب المناسب

حطات الصينية ديال اتاي وجابت دوازه حتى هو ستفات كلشي فالطبلة وجابت كرسي جلسات مقابلة ليه كتقلب اتاي متجاهلة كلشي باش تخرج من باب واسع وتهنى مدات لكل واحد الكاس ديااله وطبيسلات باش لي بغا يهز شي حاجة يهزها قدامها فطبسيل

منير كيشوف ف اسامة" مرحبااا بيك اا صااحبي رااك فدااركم

ضحك اسامة" ربي يخلييك اا خويا منير

جبد لي صاااشي لي ما رداتش ليهم البال فالمرة الاولى فاش دخل كانو دي صاشي كبار مد واحد ل منير" قبل عليا اا صاااحبي

هز واحد اخر وعاود الثاني" هااادو ديال خالتي فتيحة وحمزة

حطهم فوق واحد الطبيلة صغيرة كانت فالكوان جنبو عاد هز صاشي يمكن هو اكبر واحد ومدو ليها ما تنكرش بلي فرحات فالداخل ديالها ما نساهاش على الأقل واخا يكون خاوي ولكن المهم راه تفكرها خداته من عنده وهي كتعصر عينيها غرغرو حيت كيبغي شي وحدة اخرى لكن هو عمرو واعدها بشي حاجة علاش لي تقلق منه هو كان معتابرها يمكن صديقة عزيزة أو اخت أو الله اعلم