🥰 قصة بيان نصر 🥰 بالدارجة المغربية

😊 الفصل 120😍

🌹 بيان النصر 🌹 بقلمي انا 😍 شمس الغريب 😍

البارت 959

شفنا من منظور فائزة وبيان اجيو نعاودو السيناريو ملي تفتح الباب من طرف فائزة شنو وقع معاهم هما ضارو بثلاثة أو بالأصح ربعة حيت حتى باهية هزات راسها وابتاسمات ملي بانت ليها لكن هي مشات ليها الابتسامة اختفت وهي كتشوف فيهم هما لي هبطو دموعهم على خدودهم بحال شي واد بحال شي بحر او محيط ويوسف الشك بدا كيدخل لمخه ملي لمحهم وبقا كيقارن بين شنو كيتعاود عليهم من طرف مريم وفاطمة

حاجة وحدة دارها هي خشا مريم فحضنه وكيهديها خايف عليها وعلى الجنين لي فكرشها بقا مثبتها هي لي اصلا رجليها فاشلين ما قادراش حتى توقف عليهم بقات ثابتة وكتبكي وكتشوف ف فائزة لي منهارة تماما الظاهر أنه شوفتهم ما فرحاتهاش بقدرهم هما لي باينة الفرحة فعينيهم واخا الدموع والبكا من بعد بانت ليها بيان وهنا حسات بالضو ضرب جسمها كامل سعقها وخلاها كلها كترجف بحال شي جريدة بيان لي كانت باينة أنها مشتاقة عكس فائزة لكن شهقات ووقفات من بلاصتها فور ما شافتها طاحت على وقفتها

فاطمة الفرحة كتغلغل أعماق قلبها لكن غير فاش شافت فائزة كيفاش نهارت ومن بعد ملي بانت ليها بيان طاحت وقفات بحال باهية ومشاو كيجريو اتجاههم ما عارفين عندمن يمشيو وحدة حالتها أسوء من الثانية

مريم بقات جالسة غادي طيح من فوق داك الكرسي وبهمس قالت فيه بحة" ختي بياااان فااااائييزة

****** ****** ****** ****** ****** ******

نصر داخل مخلي الطموبيل برا مامبلاصياش مزيان داخل كيجري والمحل سادين الباب ديال الطبقة الفوق باش ما يوصلش الصداع للناس لتحت وبقاو خدامين عادي حتى بان ليهم نصر جاي غمزهم باش يقادو الأمر ديال الزبائن لي باقي كيدورو تما وطلع من وراه وصلات سيارة الإسعاف هبطو الباياسات جوج واحد معاه جهاز تنفس والثاني عادي الطبيب رافقهم حتى هو الناس لي تما ما فهمو والو بداو العمال كيكدبو عليهم لا حقا وحدة فيها الضيقة والثانية حاملة المهم يفكو المشكل باقي كيشرحو ليهم دخل حتى حاتم

نصر ما فراسو ما يتعاود ملي بانت ليه منشورة فالأرض وفائزة حتى هي مرمية كتخنق ويمنى مرة مرة كدير ليها الرابوز ديالها باش تقدر تنفس عادي جا الطبيب من وراه هو لي باقي مصدوم بدا ب فائزة مخلي بيان مع المسعفين

الطبيب بهلع" كنفقدو المريييضة بسرعة بسرعة(جاو المسعفين دارو بيها والطبيب شاف فيهم) على ثلاثة نهزوها للباياص اوكي يالاه ثلاثة جوج واحد هاااااز(شاف فالممرضة)غادي تربطو ليها جهاز التنفس غادي تعطيوها حقنة ديال ***** عشرة ميليغرام و****** خمسطاش ميليغرام حتى نجي يالاه بسرعة بسرعة

خلاهم هما مهبطينها تلاقاو حاتم فالدروج هبط تابعهم مخلوع قبط ليها فيديها كيشوف كيفاش كانت ما باغياش تمشي كيفاش كانت رافضة هاد الخرجة من الأصل كون غير خلاها فالدار أما بيان ملي قلب لقاها مغيبة فقط عقلها الباطني غير قابل شنو واقع هزها نصر بين يديه راخف عليها الفولار حطوها حدا اختها ونصر كيردد بلي راه حاملة عاد عرفو بلي حتى هو سبب