🌹بيان النصر🌹 بقلمي انا 😍 شمس الغريب 😍
البارت 236
بيان بقات واقفة مبلوكية كتشوف فيهم جاب ليها بلي هادي عصابة وهاداك هو الرئيس ديال العصابة وهادوك لي معاه المساعدات دياله شوية قالت بلي هادي عائلة هاداك هو الاب وهاديك الزوجة دياله والبنات ديالهم هي في عز تفكيرها تكلم معاها هاداك الراجل لي كان متراس الطابلة والوقار على وجهو
الرجل" جلسي ا بنتي هادي راه دارك
بيان هي ف مصيبة ولكن الاحترام هو الاحترام" شوووف ا عمي بغيت نمشي بحالي
الرجل" غير جلسي ا بنتي غادي تمشي ملي غادي تولي في احسن الاحوال
بيان جلسات باغيا تفهم كلامه كلهم مبتاسمين ليها" ولكن انا ما بيا حتى شي حاجة انا بخير بغيت نمشي بحالي كلشي غادي يكون مشوش عليا يمنى ويسرى نصر وكلشي
الرجل شاف فيها بابتسامة" كلشي ا بنتي مشوش عليك ولكن غادي ترجعي عندهم في احسن الاحوال وغادي يفرحو بالتغيير لي غادي تولي عليه ا بنتي
بيان حاسة براسها غادي تحماق" اشمن تغيير الله يخليك انا راه بخير ما كنحس بوالو بغيت نمشي غير عند عائلتي
الرجل" جلسي ا بنتي ما بغتيش تعرفي علينا (بابتسامة خالصة) هضري معانا نتعارفو انا نورالدين وهادي سعيدة (الطبيبة) هادي امال وهادي سلوى
بيان" متشرفة بيكم انا بيان
كلهم" متشرفين بيييك حنا فرحانين بيك بزااف وغادي تفرحي معانا غدا غادي يوصلو ناس اخرين غادي يعجبوك والدار غادي تعمر
بيان" انا راه بغيت نقرا غادي يمشيو عليا الدروس
الرجل" غادي يجيو مدرسين يقراو معاك هنا واش غادي تسخاي تمشي من هاد البلاصة
بيان" ولكن
قاطعاتها سعيدة" حتى للصباح وتشوفي الدنيا هنا ما غاديش تسخاي تمشي من هنا
بيان" اشنو بغيتوني انا هنا
الرجل" جلسي تاكلي وطلعي رتاحي وللحديث بقية
🌹بيان النصر 🌹 بقلمي انا 😍 شمس الغريب 😍
البارت 237
باهية هابطة كتسابق مع الاب ديالها فالدروج باغيا هي لي تشوف الاولى شكون هاد الضياف لي واخدين ليها بلاصتها ولي كينافسوها فالحب ديال ناس عزاز عليها بانو ليها جوج بيبان عفوا جوج طوال عراض ماشاء الله عليهم مازال شباب هبطات وهي كتمختر وملي ضارو يا سلااااام توت ولا ياقوت اش هادشي زين والجمال كلشي موجود كانو شابين فالعشرينيات بملامح مغربية شعر ولحية وحجبان سود وروطب عيون حجلية بالبني غامق اما العضلات وداكشي كيبان من تيشورتات ديالهم لي مطرطقين عليهم من بعد ما حيدو جاكيطات ديالهم باهية بقات غير حالة فمها هادو راه واو بلا ضواو
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
