🥰 قصة بيان نصر 🥰 بالدارجة المغربية

😊 الفصل 102😍

🌹 بيان النصر 🌹 بقلمي انا 😍 شمس الغريب 😍

البارت 799

من حسن حظه ما لقاهمش تما باقي ما جاوش يالاه غادي يدخل خرج عنده الطبيب" كنت جاي عندك ناخد القرار ديالك ونعيط على شي جراح

سليم بنفس الملامح الصامدة" انا خديت القرار وانا لي غادي ندخل انشاء الله غادي نعتق ولدي

الطبيب تصدم ولكن ما يكونش كثر من باقي افراد العائلة الا حاتم" اااا هااا اهااه وااخا ولكن واش قادر ا دكتور سليم دخل انت للعملية يعني زعما غادي تقدر تتاثر

سليم خلاه تما ودخل تبعو الطبيب مخليين رحيمة كتغوت لربي لي خلقها وفائزة بقات هابطة مع القنت ديال الباب رجليها فشلو ما حيلته ل ماماه ولا ليها اما رشيدة انهارت هاد المرة بالكل هزوها حطوها فوق الكراسي سناء كانت مشات كتجري بدموعها كل مرة يعيط عليها راجلها اما سي محمد وعبد الرحمان بقاو غير كيدعيو سامية مخبية فواحد القنت مراقبة كل واحد باقي كما هي

رحيمة كتجدب" علااااااااش هو لي يقرر انااااا هي مااامااااهاااا لااااا سماااحة ليكم بغيتو ترزيوني فبنتي(شافت ف رشيدة وسامية) شنو دارت ليييكم فاااااش اااذاااتكم عمرها تشكات منكم عمرها قاااالت ليا ماما ها شنو كنت كنشوووووف بعيني انا

وقفها حاتم من الارض وهي كتردد" الى طرااات شي حاجة لبنتي (حيدات الزيف من راسها رماته للارض هبط شعرها الحريري اسود تقول صابغاه) اناااا تابعاااكم كلبة كحلة حتى لقدام ربي ياااخووود حق بنتي وحقي منكم

كان اخر كلام ليها جمدات ليهم الما فالركابي تنترات من حاتم وجلسات مقابلة ليهم اما هو مشا قصد فائزة لي ما قادراش توقف مع وقفها مع طارت ثاني على سامية طيحاتها من فوق الكرسي للارض ورشيدة كتحاول تفك سناء حاتم سي محمد وعبد الرحمان

فائزة كيجروها كتجرها حتى هي معاها" اااانااااا عاااارفاااااااك نتي السباااااب ااش درتي لي باقي ماا عرفتش الله ياخدك ويهنينا منك كيفااااااش غادي تقدري تعيشي هااانية

سامية ماشي قل منها كتغوت" قتليييني الله يخلي ليك لي عزيييز عليييك قتليني بغييت نرتااااح قتلييني وهنيني راه ما غاديش نقدر نعيش هاكا قتليني

بعدات منها على خاطرها وهما طلقو منها" لااااا بقاااااي عاااايشاااا نيييت بشرك اااا اللفعة بقااااي عااايشة باااش تموووتي بسمك ااا المجرمة فرحااانة دبا عزيييز عليك تنغصيها على الناس عمري ظنيت خبثك يوصل بيك تبغي الشر لخوووك تفوووووو

جرها حاتم من تما هما ما عارفينش شنو واقع وماشي وقته المهم هو هاجر لكن سامية كل مرة تقول انا السبب وحتى رشيدة براسها وفائزة بحال الى حتى هي عارفة شي حاجة لكن هادشي من بعد ويعرفوه

حاتم كيشد ليها وجهها باش تشوف فيه" حبيييبة شوووفي خاااص تدعي معاااهااا (هبطو جوج دمعات منه) انا بغيت ختي ترجع اا فااائزة سليم مسكين ربي لي عالم بيه هي لي طلبات منه يختار ولدهم الى ختارها هي غادي تندمو من بعد اا فاائزة نطلبو ربي يوقف معاهم راه ماشي ساهلة عليه دخلي صلي وطلبي الله معاها