🥰 قصة بيان نصر 🥰 بالدارجة المغربية

😊 الفصل 85 😍

🌹 بيان النصر 🌹 بقلمي انا 😍 شمس الغريب 😍

البارت 661

نفس الجلسة ثاني مقادة ومجهزة بحال كما كذبات عليه نفس المنظر ديال ديك المرة خوامي شفافين بالغوز والابيض والجليسة وسط منهم ونفافخ ماليين المكان هاد المرة زايدة عبارة مكتوبة بالنفافخ فيها مبروك علينا هبطها وحيد ليها الخوذة وقبط فيها لا تجي مصلية حتى هبطات وهي غير كتشوف مبهورة كانو غير هما بجوج تما قربات من الجليسة كتشوف فيها وسلة مجموع فيها الفطور مازال ما محطوط الطبيلة الارضية رجعات كتجري عنقاته وتعلات باش تبوسه حتى كانت غادي طيح عاد قبطها مزيرها عنده وهبط عندها باش تاخد راحتها ف توزيع القبلات

بيان بابتسامة وفرحة" نصر شووووكراااا بزاااف دييك المرة يمكن ما قلتهاش ولكن ديك المرة كانت غير

نصر شد وجهها بين يديه وعاود هبط ليديها قبط فيهم" قلتي ليا جبتك هنا وغمضت عيونك ونتي عرفتيني من ريحتي من بعد خديت يديك (زير علي يديها) وقلت ليك كنبغيك

بيان هبطات راسها حشمانة من الكذبة لي طلقات عليه حتى قاليها" هزي راااسك وشووفي فيا (لبات طلبه) كنبغييك ا بيان كنموت عليك من نهار شفت خيالك فالبيت كنت انا فجردة ونتي كتسرحي شعرك وفديك الليلة شميت عبقك ملي جيتي للكوزينة وملي صبحت عليك فبيتي من تما حبيتك دخلتي لقلبي وحلفت منه ما نخرجك ولا دخل بنت المراة بلاصتك

بيان الدموع تجمعو ف عينيها اه دموع الفرحة الشخص لي هي كتبغيه حتى هو كيبادلها نفس الاحساس هزات راسها فيه وفعينيه شافت وقالت بنبرة حنونة فيها بحة البكاء لي حابسة" حتى اناااا كنبغييييك ا ناااصر الديييين كنبغييييك بزاااف

جرها لعنده وخشاها فحضنه اعترافها البريء تغلغل ف اعماقه عمره كان غادي يطالبها باش تقول ليه كنبغيك لانه هو براسه ما كيقولهاش بزاف هو براسه كيامن بلي الحب افعال ماشي اقوال وهي برهنات على حبها ليه باحترامها وطاعتها وتقديرها ليه لكن اليوم تغلبات على حشمتها وبغاته حتى هو يسمعها منها على الاقل دير شي حاجة على قبل هاد الحب هو كيدير شحال من حاجة باش يرسم البسمة على فمها الى كانت كلمة غادي تفرحو علاش ما تقولهاش ياك ولا حلالها راجلها حبيب قلبها ايوة تقول لي بغات

نصر بعدها من حضنه كيمسح عويناتها الزورق" علاااش البكااا ا حبيبي علاش اجي معايا

تبعاته يدها فيديه دفع احدى الخاميات ودخلو لديك الجليسة جلسها وجنبها جلس" مااا فييكش جووع

بيان قلبات بعينيها" مكاين والو واش ديك السلة فيها الفطور

نصر جر السلة حداهم" ااه فيها انا لي قلت ليهم يخليوها مجموعة باش توجديه لينا نتي بيديك

خداتها من عنده بحماس وبدات كتستكشف" ولكن راه كلشي موجود غادي غير نستف

نصر خطف بوسة من خدها" ايييوة باراكا عليك تستفي وااش انا نبغي نعيي مرااتي بلاتي دوزي بعدا ثلث شهور ديال الباكور