🥰 قصة بيان نصر 🥰 بالدارجة المغربية

🥰 الفصل 11🥰

🌹بيان النصر🌹 بقلمي انا 😍شمس الغريب 😍

البارت الثمانون

على زقزقة العصافير وطلوع الشمس كانت واقفة فالكوزينة ببيجامة من لي شرات ليها خالتها بالغوز بيبي فيها بحال اوراق الشجر بالرمادي شعرها الاسود جامعاه كعكة مهملة وعويناتها الزورق صافيين كانهم امواج بحر هادئ حنيكاتها حومر ولكن واحد احمر بزاف باثار الصقلة لي خدات من حاتم كان باين عليها انها نسات امرها لما لا وهي يالاه بنت 15 سنة ومغرومة لاقصى الحدود بولد خالتها ملي كانت باقي فالبلاد باقي صغيرة كان كيعجبها بل ولات مجنونة بغرامو كان هو داخل محاول مايديرش الصوت حيت عارفهم مزال ناعسين ولكن ضرباتو ريحة الملاوي عرف امو فايقة وجا باش يعتاذر منها ويراضيها حتى كيتصدم بيها هي لي عاطياه بالضهر فورمتها طيح الزرزور من فوق الصور وشعرها رواية اخرى ريحتها المنعشة واصلاه مع ريحة النعناع حيت كتلقم اتاي والطبلة لي فالكوزينة مشكلة ها الملاوي ها البغرير وكيكة يالاه خرجاتها من الفران وحريشات صغار ايمتا دارت هادشي الله اعلم

حاتم(باقي واقف مشوكي هو اصلا مدين ليها باعتذار ولكن كيفاش يقولو)" احممم احم صباح الخير

فائزة(لي كانت مركزة مع شغلها طارت ونزلات بالخلعة ضارت عندو مفزوعة وكون غير ما ضارت شدوك العوينات وديك التزنيكة على الصباح جرات الفوقي ديال بيجامتها دفلات فيه)" تف تف تفتف بسم الله الرحمن الرحيم فوقاش دخلتي يا ربي السلامة

حاتم(كيحاول يشتت تركيزو من عليها)" فائزة انا كنطلب منك السماحة على البارح ما كنتش باغي نضربك غير تعصبت منك حيت خفت لا توقع للواليدة شي حاجة

فائزة(تبسمات ابتسامة عريضة قليلة النفس لاخرة هههه)"لا اصلا انا نسيت من البارح وكنت بغيت نطلب منكم السماحة حيت خليت خالتي ومشيت بالزربة بلا ما نتلافت وزايدون قالت ليا هاجر حتى هي سلختيها حيت حتى هي كانت دارت بحالي لخالتي وقالت ليا خالتي نسمح ليك على قبلها وانا سامحتك ووجدت هادشي باش تعرفني خالتي سامحتك بصح

حاتم(بقا كيشوف فيها كيفاش كتهضر وتعبر والابتسامة مامفارقاش شفايفها الكرزيتين بقا فيه الحال علاش ضربها كتفى غير يبتسم ليها ما عرف ما يقول)

فائزة" ونتا سمحتي ليا

حاتم عقد حجبانو باستفهام" علاش غادي نسمح ليك

فائزة" حيت خلعتك على خالتي لبارح(هزات حريشة صغيرة مداتها ليه) ايلا خديتي هادي من عندي غادي نعرفك سمحتي ليا

حاتم(مكاياكلش الحرشة ما عندوش معاها وهي عقلها صغير ايلا ما خداهاش من عندها غادي تقلق)" واخة ولكن غادي ناخد غير شوية حيت مزال ما شربت قهوتي صافي

فائزة(غير كضحك ماقاداها دنيا)" صافي واخة انا نصايب ليك قهوتك دبا

خدا من عندها شوية الحرشة خشاها ففمو صرطها بلا مضيغ واستاذن منها مشا يبدل حوايجو اما فائزة بدات كتهز الفطور للطبلة فبيت الجلاس حتى خرجات خالتها من بيتها بانت ليها طابلة محطوطة ناضية كنضية