🌹 بيان النصر 🌹 بقلمي انا 😍 شمس الغريب 😍
البارت 891
دخلو للدار شاد ليها فيديها كيطلع فيها فالدروج بشوية وهي كتقول ليه راني ما كنحس بوالو ولكن شكون سمعك اول مرة غادي يعيش هاد الاحساس بحلاوته حيت حكيم ما عقلش عليه كيفاش حتى تزاد وكيفاش وكيفاش لكن معاها غير مشا معاها وعرفها حاملة حيت تغيرات فيها شي حاجة اما اية غاا تاكبرات كرشها بكثرة الطيران لي فيها كان كيقابل غير المشاكل لي كدير وكيفاش يحلهم
حل الطبقة لي كيجلسو فيها جاو معاها قد قد هي لي شافته كيفاش شادها تخلعات وجات كتزرب هازة على جلايلها وكتشوف فيهم
بشرى بخوف قربات" ياااك لباااس اا بنيتي يااك قلت ليك جلسي ارتاحي
مريم حشمانة اللسان لي يقول ليها راني بخير ماكاينش جاوبها غير يوسف" ماا تخااافيش اا الوااليدة حتى حاجة ما كتخوف
بشرى بعصبية" واااش اناا كنشووف فالبنت كلها صفرة وباينة عيانة وانت كتقول ليا ما كتخوف
مريم حيدات بين يديه ومشات لعندها" مي بشرى عندااك يطلع ليك الطونسيو تهدني راني بخير اجي نجلسو
خلاته شاد فالهواء ودخلات هي وبشرى للصالون الصغير كل وحدة كتطمان على الثانية وتتهنى عليها جلسو وخلاوه هو تابعهم باغي يشوف هاد الزعامة ديال مريم فين غادي توصل وواش تقدر تقول الخبر السعيد ليها بوحدها جا جلس حداهم وكيشوف فيها
يوسف كيشوف ف مريم بعبث" هممم ايوة قوولي للوااليدة مالكي
مباشرة هزات بشرى عويناتها المكحلين ف مريم وهاد الاخيرة القط كلى لسانها خلاها غير كضور فعينيها بحال البوة وحنيكاتها ولاو حومر حشمانة وما عرفات شنو تقول هبطات عينيها لايديها لي كتفرك فيهم متوثرة
بشرى خرجات عينيها" يااا نتوما قولو ليا اشنو كاين
يوسف مابغاش الام دياله تخاف شد ليها يديها بين يديه وقبلهم" الوااليدة انشاء الله غادي تولي جدة مرة ثانية
تنفضات منه فرحانة كتشوف فيها وفمريم لي مهبطة راسها ويديها لي فيها التسبيح على فمها التبسيمة رجعات ضحكة عالية تسمعات فارجاء البيت ومن وراها تزغريتة حارة طلقاتها بقاو غير كيشوفو فيها جرات مريم للحضن ديالها كتعنق وتبوس
بشرى" الله يرضي عليييك ااا بنتي الله يفكك على خير الله يجيب الصورة المكمولة اما ولد ولا بنت داكشي ديال ربي
مريم بهمس رددات" امييين اا مي بووشرى
جراتها ثاني" الله الله والفرحة الكبيرة زاارتنااا ياااا بنيتي يا مريم ياكما شهوتك فشي حاااجة
مريم حركات راسها بالرفض" لااا اا مي بشرى شكرا بزااف ولكن بغيت نمشي غير للمحل نشووف تصاميم فااطمة ختي
أنت تقرأ
🥰 قصة بيان نصر 🥰 بالدارجة المغربية
ChickLitالقصة ما بقاتش ديالي بوحدي ولات ديلم حتى نتوما يالاه نبحرو تاني مع قصة 🌹بيان النصر 🌹 بقلمي انا 😍 شمس الغريب 😍 ومع قارءاتي الغاليات وحبذا يكونو قارئات جدادات
