🥰 قصة بيان نصر 🥰 بالدارجة المغربية

😍 الفصل 71 😊

🌹 بيان النصر 🌹 بقلمي انا 😍 شمس الغريب 😍

البارت 540

ملي ما بغاش يرد على جميع اتصالاتهم جاو حتى لعنده ولاول مرة من بعد ما طلق بنتهم جايين حشمانين وراسهم هابط لتحت امها وباها وخوها واختها الكبار دقو وفالباب جلسو يتسناو الرد حتى طلات عليهم الهام متعجبة من مجيتهم علمات بشرى لي قالت ليها باش تحل ليهم وتلاقى ليهم فالدروج وهي مشات تعلم يوسف لي هو ومريم مشاو بكري وكيرجعو معطلين

ملي علماته رجعات للصالون لقاتهم جالسين تبسمات فوجههم ودخلات عطاتهم صوابهم والهام الصينية لي كانت موجودة حطات مع دواز اتاي وحلاوي منوعين

بشرى" مرحبا بيكم نورتونا

ام اية داقة راسها فالارض" ربي يخليك ااا الحاجة كيرااك بخير لباس عليك

بشرى بابتسامة لي ديما مزينة شفايفها" الحمد لله ا ختي هاحنا كنكبرو ونتسناو نهارنا

كلشي ساكت ومهبط راسه للارض حتى حد ما قدر يهضر حتى تكلمات اخت اية

اخت اية" لالة الحاجة واش يووسف مااكااينش

بشرى" لا ا بنيتي فالخدمة ياك شي باس ما كاين

اخت اية هبطات راسها بحزن" اية ااا الحاجة دارت كسيدة وراها فالخااطااار دبا

بشرى تصدمات وحتى الهام لي جالسة كتناول فاتاي" الله يحضر السلامة الله يحضر السلامة اييمتا يا بنيتي وكيطرا ليها

اخ اية" لوكان الحاجة يوسف جاوب كنا نقولوها ليه

بشرى تنهدات" وكيف حالتها دبا

ام اية لي كانت غير كتبكي" ديييك البنت خرجنا عليها وهي كملات على راسها ضاااعت ااا الحاااجة ضااعت

بنتها كتنغزها" اااا الحاااجة طرا بينها وبين يوسف شي مشكل الشيء لي خلاها تسوق بلا عقل حتى دارت الكسيدة

كلشي خنزر فيها ولكن هي يكون لي بغا يكون اية كتبقا اختها ما بغاتش يعرفو عليها الناس شي حاجة خايبة كما بغات تكون وشكون ما بغى يكون

بشرى" لا حول ولا قوة الا بالله العلي العظيم لا حول ولا قوة الا بالله العلي العظيم اش غادي نقول ليك ا بنيتي ها هو يجي ونشوفو اش هادشي لي واقع

بقاو جالسين مدة وهما هاا لي كيتنهد ها لي كيبكي كل واحد واش كيدير حتى تسمع الساروت ضار فالباب من بعد ما حبسات الطموبيل لتحت بجهد والباب لي لتحت حتى هو تخبط حتى قفزو دخل كيقلب بعينيه بانو ليه فصالون الضياف

🌹 بيان النصر 🌹 بقلمي انا 😍 شمس الغريب 😍

البارت 541

دخل معصب ومن حسن حظه الدراري فالمدرسة غير بان ليهم بداو كيتخشاو فبعضياتهم دخل جلس فجنب السداري فالقنت وكيشوف فيهم يتسناهم يهضرو ولا يقولو شي حاجة