🥰 قصة بيان نصر 🥰 بالدارجة المغربية

😊 الفصل 78 😍

🌹 بيان النصر 🌹 بقلمي انا 😍 شمس الغريب 😍

البارت 601

وصلو للدار ديال هاجر سليم كان جاي باغي يستقبلها حتى كيبانو ليه لونهم مخطوف وجايين زربانين فائزة بالبيجامة وهاجر جنبها

سليم بخوف" ااا مااالكم ياااك لباس

فائزة دخلات الدار دارها وللصالون لي كيجلسو فيه ليه توجهات تبعاتها هاجر وسليم غير تابعهم خلعوه ركبو فيه الرعب دخل لقاهم كيتغامزو هاجر نادمة لاش تبعاتها فرايها وفائزة مصممة انها تفرش كلشي اليوم حتى لاين غادي تصبر

سليم مزكي فيهم الشوفة" ااا مااالكم قولو ليا شنو واقع

فائزة كتفرك فصباعها" خوووياااا سليييم انت عارف معزتك عندي قداااش

سليم دخلاتو سوق راسه" ياك لباس ا فائزة

فائزة كتنغزها هاجر حتى بدلات البلاصة" خويا ايمتا صونيت انا على هاجر

سليم كيتفكر" دبا شي ساعة تقريبا

فائزة" نتوما ايمتا جيتو من عند خالتي

سليم" شي ثلاثة دسوايع ولا اكثر

فائزة براحة" هااااه هاااا مسمار طرقناه(شافت هاجر) اري تيلي

هاجر زيرات على تيلي فيديها كتحرك راسها بلا بخوف

فائزة خرجات عينيها" ياااا نتي طلقي غادي غير يسمع نوضي طرقي نتي الباب وحيدي السوارت يالاه

داكشي لي دارت هاجر سدات الدار وخبات السوارت ديالها ودياله وحتى الدوبل ديالهم وجات جلسات مادة ليها تيلي وهي مزيرة على عينيها فائزة جبدات تيلي ديالها مداته ليه خداه من عندها

فائزة كتشير ل تيلي ديالها" شوف بشحال باش صونيت على خالتي

سليم قلب وهو مافاهم والو" هنا عشرين مرة نوغمال وعشرة واتساب

فائزة" مزيااان وااا شوووف الوقت ااا خويا سليم

سليم من نيته" مع الربعة وربع

مدات ليه تيلي ديال هاجر وقالت" شوف فوقاش صونات ليها هاجر

سليم" مع الربعة ونصف

خدات ثاني من عنده تيلي وطلقات لابيل لي دازت بين هاجر وسامية الشيء لي خلى سليم يبقا مصعوق من شنو كيسمع وشنو كتقول اخته لي ولات مجرمة بالنسبة ليه وقف فالبلاصة غادي جهة الباب بلا عقل باغي غير يمشي ناسي بلي راه طرقو الباب وخباو السوارت قبل قدامه وتحت مسامعه

فائزة كطل عليه وكتهمس لهاجر" نوووضي ااا ختي كااالميه نوضي نتي كتعرفي الكودات ديال راجلك

ناضت هاجر تابعاه باش تهدنو فعلا هي لي تقدر تهدنو هي وبس من بعد ما يقارب نصف ساعة وهي كتحاول تهدن فيه وفعلا نجحات وقدرات تقربو يجلس جنبهم ثاني حتى هضرات