أحببت شخصا لا يعرفني🇩🇿

حلقة 1

في هاد الحياة كل واحد عندو هدف ، و كاين لي يآمن بالصدف
أنا! بالنسبة لي عندي هادو في زوج ،  و صراتلي في حياتي ،شكون يقول انو الهدف و الصدف يتلاقاو ! معادلة لا و لن تحل و اعراب لا ولم يعرب ، نحكيلكم على الصدفة! لي صراتلي في حياتي ؟ او كمقتطف عليها ؟ الصدفة هي انو تحلمي بشخص جامي شفتيه في حياتك و لا تلاقيتي بيه ، و تصيبي تصويرته في بلاصة ، و الهدف ؟ هي انو تسعاي باش تحقي هديك الصدفة و ترجعيها حقيقة و تشوفيه في الواقع تاعك
أنا اناغيم ، عندي بشرة بيضا، طويلة ، ماني سمينة ماني رقيقة ، شعري شاتان طويل و هذا الحاجة لي تعجبني بزاف في روحي و كامل يشكروني على هاد النعمة لي عطاهالي ربي ، منكدبش و منيش نشكر في روحي، أنا نحلى و شابة ، عندي كامل مقومات الجمال  و لي تخلي أي واحد يتمناني ، زين ، لاطاي، و قراية
هاد العام عندي باك ، و انا من صغري نحوس نديه بمعدل شباب و زدت اكدت على هاد النقطة في لحظة بدلتلي كامل تفكيري
المهم؛ انا نحب نقرا روايات من صغري مغرمة بيهم، خصوصا الواتباد، حياتي كامل و انا نقارن وينتا. تجي لحظة نقرا فيها رواية، و أكيد كل واحد يقرا قصة راح يتخيلو ابطالها، انا من هنا بدات قصتي. ، هي انو. كنت نتخيل البطل تاع القصة ، توجور تخرجلي تصويرة راجل طويل ، اسمر. و عينيه خضرين ، ولا مرة قدرت نتخيل من. غير هذا ، و الحاجة الغربية هي انو بديت نحلم بيه ، قبل من انرقد يليق تجيني تصويرة هاد الراجل في بالي و بين عينيا ، عييت نفهم و والو ...
________
يتبع علابالي قصير البارت مي حتى نشوف اسكو كاين لي يقراو و نشوف يلا نكملها ، و هاد الرواية حقيقية
🚫ممنوع أخذ الأفكار
🚫ممنوع نشر روايتي في قروبات او فايسبوك
🚫يلا لقيت أي جزء منها نتصرف بطريقة وحدخرا
🚫 اما بالنسبة إلي يقراوها ف نحبكم نتوما 🥺💍🫶🏻