أحببت شخصا لا يعرفني🇩🇿

الحلقة 33

بابا قلت ل آنآ قاتلي نجي، علاه كذبت عليا قتلي متحبش، آنآ تحبي تجي عندي نيشان ؟، دارت عندها باش تتأكد و تبين ل باباها بلي مهيش غالطة، هزتلها راسها آنآ و تبسمت، هاه قتلك بابا تحب تجي نورمال، هز راصه و قالها صحا روحي قارعيلي تحت ، حطها في لرض و هي هودت تجري ، بقا يتبع في بنته حتى هودت منبعد دار عندها ، قاتله صباح الخير و رد عليها، حب يهدر معاها مي ماياري بدات تعيطلهم من التحت و قطعاته ، هودو و كل واحد شد بلاصته باش يشرب قهوة و لا ياكل ، كانت جوليا قاعدة اونفاص ليها و تشوف فيه بلا ما تبين ، هي حاسبة هكا مي كامل عارفين هاد الشي، عكسو هو حاط راصه و مشي دايها فيها ڨاع، تفكرت البارح مين ناضت مور ما سلمت عليه ، ماعلابالهاش شاصرا موراها ، حبست الماكلة مين تفكرت حبت تتقيا، وين ما تتفكرها الدمعة تجيها مي هاد الخطرة حاجة في قلبها كي السكين، قاطعت تفكيرها مين ناضت جوليا من بلاصتها رايحة لتوالات ، شافت فيها حتى درڨت و ناضت هيا تبعتها دارت روحها رايحة تشرب الما ، تشرب الما ! و هو محطوط في الطابلة قدامها ، هكا قال في قلبه سفيان مور ما سمعها تحكي بشوية لماياري بلي راه رايحة تشرب الما، تبسم بلا ما يحس و عرف علاه ناضت ، بصح السبة لي خلاتها تكره جوليا و علاه ما يتفاهموش ل دروك معرفهاش ،آخر حاجة تجي في باله انو كامل هاد الشي علاجاله سوغتو مين أكدتله بلي تحب واحد، ڨلع من راصه كامل و جامي خمم يفكر بلي آنآ مهووسة بيه، المهم، دخلت جوليا التوالات تغسل في يديها تمتم دخلت موراها آنآ مامبا مشافتش فيها راحت حداها و بقات تشوف في روحها في المرايا و تسڨم في خيمارها و جوليا حكمت المشوار تسمح في يديها و تشوف فيها من المرايا ، ركزت بيديها وين ما الحنفيات تما
(معرفتش كيفاه يقولوله ، البوطاجي للكوزينة و توالات لي كيما هادو !!! ههه المهم كمللوو)
ركزت و بقات تشوف فيها و تتبسم ديك الضحكة لي تقيي الواحد و آنآ علابالها بصح مشي دايتها فيها ، عجباتك؟؟ ، دارت عندها آنآ غير سمعت جوليا حكات و دارت روحها مشي فاهمة ، آنآ : باغدون؟
، سڨمت روحها جوليا و قاست لي كان في يديها و قدمت عند وجهها و تحكي بشوية و تتبسم
جوليا: ، متديريش روحك ماشي فاهمة أناغيم ،
آنآ (و هي مزالت دايرة روحها مشي فاهمة) : مي c'est vrai ، منيش فاهمة واش راكي تحكي
ضحكت جوليا و دارت يديها عند راس آنآ زعما تدخللها في شعرها لي خارج مالغري مكانش : سفيان !، البارح شحال فرح مين عرف بلي نبغيه ، كون تعرفي شحال قعدنا مع بعض فليل و حنا مجمعين و هو يحكيلي و نحكيله، مي معليش ، علالبالي كنتي راقدة و متحملتيش واش صرا كيفاش تتحملي تشوفيه معايا ،
كملتي!
نطقت آنآ غير كملت الاحلام تاعها و دروك باقي حق العروسة تاعنا ياك! ، تبسمت آنآ و هاد الخطرة هي حطت يديها على شعر جوليا تمسح فيه و تسڨملها فيه
آنآ : ، بصح سفيان كان معايا البارح؟ ،
طلقت ضحكة جوليا زعما تسخر منها و قالتلها نتي! ههه نتي معاك! ، هزت آنآ راسها و تتبسم ، و قالتلها وي معايا ، روحي سقسيه و لا نقولك بلا ما تسقسيه ، شوفي و راقبي اليوم هو راح يقول ، مين قاتلها هكا تبدل وجهها و الضحكة راحتلها و بانت الغيرة في وجهها ، عارفتها مهيش تكذب باسكو معندها علاه تكذب، مخلاتهاش كامل تكمل تخمم حتى و يديها مزال في شعرها شدت عليه و جبداته عندها ، تحسب مشي هيا لي كانت تتبسم معاها دروك و مشي هيا لي تبان عاقلة ، تبدلت في دقيقة ، ديك طلقت آآه من فمها من كثرة لي انضرت و انخلعت حكمتها من شعرها و قدمتها لعندها و قاتلها شوفي تدوري بيا و لا تنوي برك تحطي عينيك على سفيان عينيك نڨلعهملك ، مقارعتلهاش كامل تجاوبها باسكو من عينينا بانت بلي خايفة منها طلقتها و دمرتها بعيد و رجعت المرايا تسڨم في روحها و خرجت مخليتها موراها

_____________
دعوتكم خرجت فيها هاه، متحشمش دور بنسيبنا