رجعت للدار فرحانة هداك النهار كيشغل ربي سهلي كلشي فرحت بزاف ، شحال قارعت باش نحقق هذا الهدف و كلشي جا على ضربة مور ما دخلت وحد الضحكة على وجهي ، سوغتو مين صبت هكا خاوتي و خواتاتي ينقزو من الفرحة تحسب هوما غادي يرحو، و عارفين مدام انا الكبيرة ربي فتحها عليا و نقدر نروح متاكدين بلي أنا غادي ننقذهم كيما يقولو من العبينة مالغري مناش فقراء ولا مي تعرفو مين الواحد يولي يتكسر و يفتخر بلي اخته و لا بنته شرفاته ، المهم انا بديت وجد روحي من قش من ماكلة لي نقدر نديها و اي حاجة نحتاجها و بلا مننساو دراهم، ماما و بابا دارو بوسيبل تاعهم باش يمدولي دراهم و انا تاني كنت داسة و قلت والديا ديرو هاد الدراهم سلبية غادي والله يلا تعبت و درت كلشي باش نرجعلكم خيركم ، باسكو كون مشي هوما منوصلش لداك الموصل، نعقل بلي الطيارة تقلع على الستة تاع العشية ، نضنا صباح داك النهار بكري وجدت كلشي مالغري كان كلشي واجد مي باش نتأكد و لبست قشي شربت قهوتي، و صبتهم ناضو قاع باسكو نروحو في ركبت يوصلوني للمطار، قلعنا مع العشرة تاع الصباح وصلنا على 12 و شي ، أيا رحنا فطرنا و الضحك و اللعب ، حبيت نبروفيتي الماكسيموم باش منتوحشهمش ، مور ما كملنا فطرنا في الريسطو كانت زوج هكاك أيا رحنا ندورو ، رحنا للبحر درت تصاوير انا وياهم، كيما كل خرجة، هاد الحاجة لي تعجبني فالأسرة تاعي متماسكة و متحابة و لازم نخلو لكل نهار سوفونير و ذكريات، مين ولات الرابعة هكاك رحنا للمطار قعدو ماما و خاوتي وين يقارعو و انا و بابا رحنا نريڨلو صوالح و راكم تعرفو دوك الإجراءات ، و الحمد الله فاتت سلامات كنت خايفة يقولولي نقصي من الباڨاج مي لا ، فات غايا، مور ما كملنا رجعنا عند ماما و بابا و قعدنا مجمعين، المطار كان معمر بالناس لي رايح لي جاي، و هديك الأصوات ، والله شعور نتمناه لكل واحد راه باغيه، انا قعدت نصور باسكو انا يليق نصور اي حاجة و زيد باش نديرها في الستوري ، أيا حتى نسمع هديك لي تهدر ، بدات تقول : الإنذار الأخير لركاب الطائرة air France المتوجهة إلى باريس يرجى التقدم الى البوابة رقم 4 ، انا صاي حكمتني ديك الرعشة و الصفقة تاع تفارقي لافامي تاعك نضت عنقتهم و ختي كانت تصور ، عنقتهم كامل و شديت البكية منبعد رحت نجري باش منبكيش ،فتت في ممر الحياة و السعادة و لقيت ديك المضيفة لي تقعد عند الطيارة ، وراتلي بلاصتي قعدت حدا التاقة و حدايا شيرة تكون قدي هكاك ، تما واه طاحتلي دمعة والله بكيت مقدرتش نشد روحي
أنت تقرأ
أحببت شخصا لا يعرفني🇩🇿
Romantik❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
