أحببت شخصا لا يعرفني🇩🇿

الحلقة 26

لبست كيما هكا ، مع ماكياج سامبل و انا بيضة وليت نقتل ، المهم درت ريحة تاعي لي نموت عليها ، تاع ورد الياسمين، ''jasmin'' ، مين كملت رفدت صوالحي و خرجت ، مين خرجت صبته خارج من الشومبرة تاعه هو تاني و مڨاود أميرة

كانت لابسة هكا ، الحاجة لي تلبسها تجي عليها دي الشيرة، وهو لابس هك

كيفاه باغييني منهبلش و منغيرش و منبغيهش، غير عينيه يدوخوني، شاف فيا من الفوق لتحت ، شفته ب عيني  والله
، و عنده الحق شكون مايشوفش فيا انا ، شافتني أميرة جات تجري عندي ، سلمت عليها، قلتلها شحال راكي شابة يا عمري قاتلي نتي تاني راكي شابة، قاتلي نروح معاك نتي، و دارت عند سفيان قاتله، بابا روح انا نروح مع آنآ بصح قعد قريب منا متبعدش ، تبسم معاها و هز راصه، شاف فيا يسقسي فيا بعينيه قتله صاي ، "eyes contact" , تكبرو و تعرفو هاد الصوالح ، رحت فتته انا و أميرة و هو مورانا هودنا في دروج صبناهم واجدين ڨاع و متلايمين با يخرجو ، شافو فينا قالت مايا مزيا بنتو العشاق ، متقدرش تشد فمها هادي والله، مروة عينيها قعدو يضحكو وانا دايرة روحي معلاباليش منيش باغية النش، و جوليا هبلت مين شافتنا مهودين مع بعض ، شافت فيا من التحت للفوق و خرجت قالبة وجهها ، خليها هاديك نهارها وحدها ، منبعد و ندخلها في شومبرة وحدنا و نربيها،
خرجنا ركبنا في نفس lbus  لي ركبنا فيه تاع وارن  ، طلعو و انا مع تالي قعدت عند التاقة و في حجري أميرة مهيش تقيلة بزاف و حدايا في ليمنة سفيان و حداه عند التاقة لي في ليسرا مايا ، و مايا دارتها بلعاني باش يقعد حدايا ، المهم قلعنا و مشي بزاف و حبسنا روحنا للكافيتيريا، ليكوبل راحو يتمشو و حنا قعدنا ، و تعرفو الكافيتيريا فيه كلشي تما، بقيت انا و بنتي و نسيبكم ، و مايا ، مروة ، ريان ، وارن، سارة و ماثيو بقاو معانا تاني  و زيد هزيم المسمومة تاع جوليا ، دوموندينا واش ناكلو ، انا غير jus باسكو السخانة ، و تقريبا قاع دومونداو كيفي ، و زدنا éclair ، بقينا مجمعين فاتت غايا والله و جوليا حبت دير البوسييل باش تجبد الهدرة معاه مي هو والو