أحببت شخصا لا يعرفني🇩🇿

الحلقة 37

________أحببت شخصا لا يعرفني________

ركبت في لوطو و قلع و بدا يمشي بيها ، كانت أغنية كالم ، حسيت روحي تكالميت ، مع لولة محبيتش نحكي معاه كان مقلق منبعد درت عنده و قتله
آنآ: مكانش علابالي بلي متشوفش ، فوتت ولا مزال ڨاع؟
سكت هو مردش و قالي
رياان: صراحة أناغيم ، مكان لا طبيب لاوالو ، حبيت نحكي معاك في حاجة ، طلعت حاجبي و رديت عليه ، واش كاين قولي ؟ ، تنهد من قلبه و هو يشوف في طريق قدامه و يسوق ، كان باين بلي متوتر ، منبعد حبس لووطو و شاف فيا
ريان: مروة! راني حاس روحي مشوش و معرفتش واش ندير و كيفاش نتصرف
آنآ: مروة؟ واش بيها؟
ريان: نحبها آنآ نحبها ، شحال وانا طايح فيها مشي غير نحبها بصح خائف نصارحها و تكون ردة فعلها سلبية
تبسمت و جاوبته : فهمت فهمت ،واش تحوس تعرف؟
ريان: شوفي حسيت مروة تشوف فيا بنظرات أنورمال هاد اليامات ، سوغتو نهار لي كنا مجمعين في ليل و درنا لعبة تاع جرأة ، حسيتها تبكي ، و زيد تاع الاعتراف ، شافت فيا بنظرة قسمتلي قلبي ، بصح خفت يلا نكون نتوهم برك مين نحبها ،
سكت شويا و كمل: معرفتش أسكو كاين واحد في حياتها؟ أسكو تحبني ولا لا !، أسكو نقولها ولا مان..
مروة تحبك، حبس الهدرة غير قتله هكا و عينيه مخلوعين،
آنآ: ريان ، مروة راهي صحبتي و عزيزة عليا، ايه تحبك بصح خايفة هيا تاني كيفك و سوغتو مور لي سمعت الاعتراف قالت صاي عنده لي يبغيها على هادي بعدت عليك
ريان: يعني نقدر نعترفلها؟
آنآ: وي بصح كونك صادق معاها ، هي عاقلة و خاطيها و تستاهل تعرف الحقيقة
ريان: بصح خايف نخسر صداقتها
هزيت راصي ب لا و قتله لا راني متأكدة نتا كونك صادق معاها برك و اعتارفلها قبل ما يفوت الوقت باسكو الغيرة قادر تولي تكرهك
هز راصه وتبسم من قلبه حتى عينيه و تبسمو حسيته فرحان رجع بلاصته و قلع لوطو يجري راجع وين ما كنا ، تقريبا قعدنا 20 دقيقة من لي روحنا ورجعنا مشي بزاف ، هودنا و هو فرحان عينيه يضحكو ، انا بقيت نضحك عليه ، يا ربي نفرح كيما هكا و سفيان يحشم على روحه، صبتهم كامل شافو فينا  و تبسمو معانا من غير جوليا و مروة توسوست بصح غمزتلها بعينيا و انا نضحك عرفت كاين حاجة ، و سفيان غير يشوف في رياان و ساكت، مافهمتش علاش ، قعدت في بلاصتي ء سقساتني ماياري: قاتلنا رجعتو بلخف مصبتوش طبيب؟ ، قاطعها ريان قالها مكناش رايحين لطبيب، قاتله وين مالا!!، قالها جوست كنت نحتاجها في حاجة و كملت معاها ، قال هاد الهدرة و هو يشوف في مروةاي تشوف فيه و ساكتة بصح هوفرحان و يضحك ، ناض من بلاصته و قالها مروة نوضي نحكي معاك، مع لولة مبغاتش بغات تدابزه منبعد درتلها بعينيا بلعي و نوضي ، ناضت وتبعاته راحو بعدو شويا انا من جيهتي نقدر نشوفهم كانو اونفاص ليا ، خليتهم راحو  قعدو في الحديقة لي على برا

ريان بتوتر واضح: "مروة، ممكن نهدر معاك شوية ؟ عندي حاجة مهمة نحب نقولها."

مروة باندهاش: "أكيد، ريان. واش كاين؟"

ريان بنبرة مترددة: "مروة، نعرفك من مدة طويلة وديما كنتي قريبة مني. صراحة، عندي هدرة نحب نهدر معاك فيها"

مروة بقلق: "ريان، واش كاين؟ حكيلي

ريان تنفس و حاول يكون شجاع زعما و يتعترف  "مروة، نحب نكون صريح معاك. هذي الفترة كنت نفكر بزاف فيك، وفي علاقتنا كأصدقاء. حسيت بمشاعر مختلفة، مش كيما كنا من قبل."

مروة بحيرة: "مشاعر مختلفة؟ تقدر توضحلي؟"

ريان حس بالتوتر وحاول يرتب أفكاره: "آه... مروة، نحبك. نحبك مش كصديقة فقط، نحبك كإنسانة نحب نكون معاها دايماً. كنت نحاول نتجاهل هذا الشعور، بصح ما قدرتش."

مروة حكمها الشوك و سكتت شحال : "ريان، بصح، ا،،انا. ما كنتش نعرف بلي عندك هذي المشاعر."

ريان بحزن: "نعرف بلي هذا ممكن يصدمك. خايف نخسر صداقتنا إذا ما كانتش مشاعرك نفس مشاعري."

مروة ببطء: "ريان، بصراحة، مرات كنت نحس بحاجة من جيهتك، بصح كنت نخاف نعترف بمشاعري. كل مرة نشوفك مع بنت وحداخر، تغيضني و نقول جامي يحبني

ريان بانفعال: "مروة، كنتي تحسي بالغيرة؟ كنتي تحبيني؟ علاش ما قلتيش؟"

حطت راسها : "كيفاش نقولك؟ كنت نخاف ترفضني أو تبعد عليا كل مرة نشوفك مع وحدة، كنت نحس بلي ما عنديش بلاصة في قلبك."

ريان بنبرة ندم: "مروة، ما كنتش نعرف بلي هذا يأذيك. كنت دايماً نحاول نكون صديق جيد، بصح مشاعر الحب كانت تغلبني."

مروة بحدة: "ريان، لازم تعرف بلي حبك مش سهل لي نتقبله. كنت نشوفك مع بنات آخرين ونتألم و نسكت

ريان بصدق: "مروة، سمحيلي لي ضريتك  نحبك تكوني سعيدة، ونحب نعطي لعلاقتنا فرصة حقيقية."

مروة بتردد: "ريان، مش سهل لي نرد عليك. نحتاج وقت باش نفكر في كل هذا."

ريان بإصرار: "مروة، راح نعطيك كل الوقت لي تحتاجيه. بصح نحبك تعرفي بلي أنا هنا، نحبك وننتظر ردك ڨاع حياتي."

مروة دورت راسها و ناضت من بلاصتها "ريان، حبك مسؤولية كبيرة. نقدر نعطي لعلاقتنا فرصة، بصح لازم نبدا خطوة بخطوة."

هو غير سمعها ناض من بلاصته و عنڨها "مروة، ماغسي على هذي الفرصة. راح نبذل كل جهدي باش نكون شخص يستحق حبك."

مروة بابتسامة خفيفة: "ريان، نخلي الوقت يحدد مسار علاقتنا. المهم نكون صريحين مع بعضنا."