Heey banat , how are U all 💓✌🏻❤️🙌🏻
__________________
خليت كلشي مورايا ، والديا ، خاوتي، حبابي، حياتي القديمة و رايحة لبلاد جديدة، حياة جديدة و عباد جدد ، مقلت لحتى واحد انو رحت ، وصيت والديا ميحكوش حتى تفوت فترة و يسقسو عليا تما ساهل، ياك الرسول صلى الله عليه و سلم قالنا اقضو حوائجكم في السر، قعدت سبع ساعات باش وصلت ، حطت طيارة و بدينا نهودو ، رفدت صوالحي و هودت و دخلت للمطار، قابلتني ديك لي تخدم تما بدات تسقسي فيا ، و غير هودت شعلت تلفون ، و عيطت هداك لي يجي يديني للاقامة ، كنت ديجا دايرة الانترنت ، صبته تما جا و رفد معايا صوالح و عاوني ، ركبت في لوطو و وصلني، و فهمني تما الطرقان و فهمني الحيا كيديرا ، منبعد راح ، دخلت انا الشومبرة تاعي، دار مصغرة كانت شابة بزاف فيها سرير حدا التاقة ، بيرو وين ما نقرا و كاين خزانة ، وكاين حتى الكوزينة جايا صغيرة، كاين فريجيدار جاي مصغر،و توالات و دوش ، شومبرة هادي فيها كلشي مصغرة كيوت ، انا غير حطيت كرعيا ، رحت خملت كلشي و فرزت قشي ، و رحت رقدت شويا باسكو وصلت مع الصباح ، مور ما رقدت محسيتش بالوقت كيفات، نضت و قلت نطيب ماكلة باش ناكل ، طيبت و كليت ، و قلت لازم ماليوم نبدا نعرف البلايص ، خرجت و بديت ندور ، و نستكشف ، شحال شابة بلاصة ، المهم حفظت شوية بلايص و وين ما يبيعو ، رحت شريت عشا و دخلت للدار، باسكو غدوة نوض نقرا ، دخلت و قعدت بلاصتي ،حكمت تلفوني ، راني في يومين مشفتش سفيان و ماراقبتهش دخلت الكونت تاعه و ياريتني ما دخلتش، تزوج! صبته طلع هو و ديك شيرة اليوم اليوم تزوجو، انا هبلت، خفافيت، بكيت توغت، ندبت وجهي ، حتى رقدت و محسيتش بالوقت، كنت حاسبة صاي وصلت غادي نقدر نتلاقا بيه و كلشي يجي بالساهل، قلت دنيا ضحكتلي ، بصح العكس، نضت صباح بكري ، قلت مالازمش نستسلم باسكو مشي انا لي يصرالي هكا و مدام كنت نشوفه في منامي من بين ڨاع رجال دنيا نديه نديه، تقدرو تقولو علاه مرحتيش و قتيله! علاه مرسلتيلهش! مي لا كلشي في وقتها حلو، و من كثرة الهوس تاعي بيه ، كنت نقول منخسرلهش فرحته ، راه فرحان معاها! انا نقعد نحبو من البعيد ، مي جامي نحب واحد غيره، لبست قشي و كليت شوية درت شوية مايكاب، حبيت نخرج شابة، نهاري لول ، و خرجت ، ركبت f bus ، خلصته بلاكارت لي صنعتها قبل ما نجي ، كلشي وجدته قبل ما نجي ، مشي بزاف و وصلت ، هودت و شحال من وحدا كانت راكبة معايا هودت عرفتهم يقرو في هادي الجامعة ، الحاجة لي فرحتني كاين بنات لابسين حجاب كيفي ، دخلت و سقسيت على وين نقرا و وراولي ، دخلت و قعدت بلاصتي حدا وحد الشيرة، هي جبدت معايا هدرة ، بدينا نحكو ، شحال فرحت من خطرة لولة صبت شيرات نحكي معاهم، باسكو اكبر مخاوفي هي نقعد وحدي، هادي شيرة جاية سمرا، اسمها سارة ، و جات وحدخرا جمعت حدايا و دايرا حجاب، مروكية، تعرفنا حنا تلاتة ، عقليتهم شابة بزاف دخل الاستاد و بدينا نقراو ، انا كنت من النوع لي نقرا منعرفش اللعب ، و كنت نعرف نحكي اللغات غايا ، كامل الاساتذة انخلعو فيا، و بغاوني، مهم هداك العام هو عامي البلاصة لي كنت نروحلها كان عندي قبول، فات نهار هداك و جيت مع ديك الشيرة المتحجبة سميتها مروة، شحال حلوة،تسكن في نفس للاقامة لي نسكن فيها انا ، ودعتها و دخلت للدار ، رحت. ناكل ، و شديت تلفوني نشوف الإنستاغرام كيما العادة ، كنت كي طلعت فيديو، التفاعل ، و ليزابوني دايرين حالة، سوغتو مين عرفو راني في فرنسا
________________________
بنات سامحوني على الاخطاء الاملائية ، من كثرة لي نخف باش نحط بارت نغلط في شي كلمات
😍💓 بااي
أنت تقرأ
أحببت شخصا لا يعرفني🇩🇿
Romance❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
