أحببت شخصا لا يعرفني🇩🇿

الحلقة 11

مروة: هكذاك نحبك، لازم تآمني بلي المستقبل يخبيلك حاجة خير
هزت راصها و تبسمت معايا و عنقتني، الصراحة ريحتلها بزاف هدي البنت ، قتلي هيا نوصي تروحي معايا خرجي بالاك تريح شويا علابالي صعيبة عليك مي صاي، هيا نخرجو باش تنساي، قتلها واه انا أصلا راني باغية نعرف بلايص، قالي ايه و انا على. هادي جيت عندك ، قتلي سارة تاني راهي حاتخرج معانا يلا حبيتي قتلها واه باينة نقبل ، قوليلها و نتلاقاو كامل، ناضت هي قتلي نروح نلوجد روحي مين نجي عندك نصيبك واجدة قتلها أوكي مكانش مشكل ناضت هي و خرجت بلعت موراها الباب و رحت نشوف وش نلبس ، لازم نخرج شابة، مالغري قشي شباب و كلشي فيا شباب ، لبست كيما هكا

مور ما لبست قشي درت مايكاب خفيف حتى سمعت طبطيب عرفتها مروة جات رفدت صاكي و مفاتيحي و خرجت صبتها تقارعلي و لابسة هكا

تبسمت معاها و خرجنا انا وياها ركبنا في طاكسي و رحنا كافيتيريا ، رسلت الموقع سارة باش تلحقنا شوية و دخلت هيا تاني ، جات سلمت عليا كانت لابسة هكا

المهم قعدت معنا و قاتلي كيراكي قتلها الحمد الله و نتي قاتلي صافا ، قاتلي كيفاش كان معاك نهار  الاول في الجامعة ، قتلها والله فات غايا هدا وين حسيت روحي نبدا نعرف شي صوالح، ضحكت و هزت راصها و قاتلي ختاريتو بلاصة شابة هنا يجو غير لي بوڨوص منبعد قاتتلي شا راكي باغية نشربو، قتلها هادي نخليها عليكم منعرفش شايبيعو هنا ،  قاتلي قهوة باردة شابة بزاف ،نطقت مروة قاتلنا نشربو آتاي مغربي واش رايكم ، قتلها علاه لا ، أيا عيطت لسارفور و جا قالته و راح ، شافت فيا سارة قاتلي حكيلي على روحك اناغيم من وين نتي محكيناش مليح، قتلها انا من الجزائر و كيما تعرفي راني نقرا ترجمة كيفكم و نتي  ، قتلي مليحة و انا من هنا أصلي فرنسية من صغري حابة هذا التخصص ، مي مروة مسكينة كانت حابة هندسة مي مقدرتش ، شفت فيها انا تاع علاش مقدرتش قتلي مروة ، عمي محبنيش نقرا هندسة باش مين نتخرج منديش شركة تاع بابا و تقعد لولادو، قتلها كيفاه و باباك وين راه! ، حطت راسها عرفت روحي درت فالطةمشي غلطة قاتلي مات الله يرحمه ، قتلها سمحيلي والله مكان علابالي قتلي لا عادي راني والفت دروك ، شديتلها يديها و حكيت معاها ، قتلها مي علاش خليتي الحلم تاعك كنتي قادرة تكملي ف شي لي ركي باغياته متشوفيش لحتى واحد ، و شركة ياك تاع باباك تديها تديها قتلي دروك صاي انا راني تقبلت حياتي و درت تخصص ترجمة ، و زيد راه عندي صحاباتي دروك معندي علاه نخمم في شركة راني حابة راحة بالي باسكو صعيب عمي بزاف و خبيث ، جا سارفور حطلنا و راح ، قدمت عندي الآتاي نشرب فيه مع كرواسون ، توتر الجو أيا بدلت سارة الهدرة وقاتلنا واش رايكم نروحو نديرو شوبينغ اليوم راه كاين boutique zara راه عنده ليمودال شابين، قتلها لا منقدرش ،المقاطعة ، قاتلي يا معليش نروحو بوتيك وحداخر قتلها أوكي شربنا و جمعنا منبعد خرجنا ندورو ، فات نهار شباب منبعد دخلت للدار نريح رحت بدلت قشي و رفدت تلفوني نشوف أخونا مي مقدرتش حطيته ورقدت بعد عناء طويل