أحببت شخصا لا يعرفني🇩🇿

الحلقة 27

قاتلي أميرة حابة تروح توالات ناضت المشوطة هديك قلتلها ارواحي نديك، قلتلها اميرة لا مشي نتي ، آنآ تروح معايا، مافهمتش هيا شا "آنآ" ، أيا نضت انا ڨاودتني و ديتها و هي قعدت تشوف ، مسكينة غاضتني ههه،
المهم ديتها منبعد غسلتلها وجهها ، أيا قاتلي آنآ نتي عندك باباك قلتلها واه قاتلي وين راه قتلها هو راه في بلاد وحدخرا ، قاتلي عندك ماماك ، هنا سكتت منبعد قلتلها واه قاتلي وين راهي، قلتلها هيا تاني راهي معا بابا ، قاتلي تعرفي وين راهي ماما ، الهدرة تلفتلي ، مصبت منقولها ، قلتلها هيا راهي عند ربي و راهي تشوف فينا دروك ، قاتلي راهي تبكي. ، قتلها لا راهي فرحانة تما و و فرحانة بيك تاني راهي تشوف فيك ، منبعد سكتت هودت عندها و شديتلها يديها قلتلها أمورتي متزعفيش كون تشوفك زعفانة هيا تبكي ، قاتلي بصح توحشتها بزاف ني حابة نشوفها و بقات تبكي ، قلتلها هيا تاني توحشاتك و تبغيك بزاف ، تعرفي شحال كانت تبغيك ، قاتلي تعرفيها ، قلتلها واه كنت نحكي معاها هي تحبك » قاتلي صاي منزيدش نبكي مسحت دموعها ، انا دمعة طاحتلي شحال نضعف كيما هكا ، غسلتلها وجهها و قلتلها أيا نروحو و متبينيش قدام باباك يزعف هو تاني ، قاتلي ايه نتي تاني متبكيش قلتلها لا صاي منزيدش نبكي ، خرجنا و قعدتها في بلاصتها ، شافت فيا مروة قاتلي مالكي بصح غير بعينيها هزيتلها راصي مكان والو ، بصح كاين دايمن وحدة فمها متقدرش تشده ، ماياااا ،،قاتلي كنتو تبكو شدتلي وجهي و بقات تدور فيه منبعد حكمت وجه أميرة تشوف فيها قاتلي مالكم شاكاين، قلتلها لا مكان والو ، أميرة بقات ساكتة ، سفيان ناضلها ، هادا مكان خاصني يا ربي العالي مايا دير غير المشاكل، هود عندها و قالها واش بيك بنتي حكيلي ، قالته لا آنآ ضربها واحد ، شاف فيا مشي فاهم منبعد عاود رجع يشوف فيها ، حتى انا مفهمت والو غادي دير كاريثة أميرة ، قاتله زوج رجال كبار حبو يديوني يسرقوني بصح سلكتني آنآ و ضربوها و خفت بكيت، ناض عنقها منبعد راح يجري كان باين عليه مقلق تاع بصح و منارفي ، زعما يحوس عليهم ، ناضت مايا قاتلي علاه مقلتيش ياخي حمارة ،انا سكتت مصبت مندير هادي أميرة معرفتش شكون شبهت ، مي ساجية مزيا مقاتلهش توحشت ماما كون لا انا لا هي ، شوية و رجع قعد بلاصته هو و لولاد باسكو راحو معاه ، مساكين يعيوو في رواحهم باطل، معليش خليهم ، قعدو بلايصهم ، فات الوقت و نضنا نتمشاو باسكو بلاصة تما شابة بزاف و كان قدامي حبيب القلب   و رافد أميرة ، شاف فيا  حاب يهدر معايا كان متردد منبعد قالي راكي صافا قتله وي صافا مكان والو ، هز راصه منبعد قالي وين ضربوك ، لافوا تاعه شحال شابة نسيت ڨاع شاكان يقولي ، أصلا معرفتش واش نقوله، قتله لا مضربونيس دمرني واحد فيهم طحت ، دور وجهه يهدر تحت نيفه عرفته يعاير فيهم ، تنهد منبعد قالي سمحيلي ، قتله نتا علاه نورمال ، قالي كون مشي نتي كون كاش ما صرا لأميرة، قتله راهي كيما بنتي و ختي من واجبي نخاف عليها قالي مغسي ،
________
بنات ، يلا صبتوني مابنتش عرفو تلفون معنديش ، باسكو راه خاسرلي و با يطفا أيا قلت نحط البارت تالي لي راني كاتباته، المهم انا مكملاته مكملاته، صبرو عليا يلا مبنتش ، تشاااو ✨🤍💋