بديت نتعلق بسفيان مالغري جامي شفته في الواقع و هو جامي شافني و ماعلابالوش كامل بلي كاين وحدة سموها اناغيم، نكذب عليكم كون نقولكم مكنتش نراقبه، كنت مهوسة مهوسة بيه و. نشوف لي يكومونتيليه ، كنت نصيب دايمن وحد شيرة هو يكومومنتيلها و هي تاني و هي الوحيدة لي يرد عليها ف التعاليق، كنت كلما نشوف هكا تحكمني غصة ، و ديك شيرة درتلها اببوني و هي تاني مشهورة و عندها ليزابوني ، انا بديت نتقرب منها وليت نكومونتيلها ترد عليا، و الصح الصح، تبان عاقلة ، مالغري تلبس المعري مي تحلى بزاف و جاية brunette
و عندها لاطاي تهبل و تلبس غايا المهم انا كنت خطرة نغير تاع الصح و خطرة نقول شابة انا وين بايشوف فيا ، مي نقول لا مالازمش نستسلم انا شفته و بغيته، مالا نديه، نديه ،
فاتت ليام وانا نفس الريتم و. الروتين قراية و نبحث و نراقب ، و البكا مكنتش نحبسه من الستريس تاع الباك و تخمام كيفاش نطلع ل فرنسا نكمل قرايتي كيشغل ماهيش ساهلة والله ،
جا الباك و جا نهار لي نفوته فيه ء نضت صباح بكري صليت و وجدت صوالحي تأكدت منهم ، من استدعاء و نكوة تاعي ، صبت بابا ناض هو ماما، صبت قهوة واجدة مع الڨاطو حسيت روحي راني في العيد وحد الاحساس مع داك الستراس و ڨاع، المهم شربت قهوتي منبعد نضت نلبس قشي مور ما كملت ، تفكرني بلي مزال مغسلت سناني و عندي دايمن هاد بروبلام حتى نلبس باش نغسل سناني و تطيح دونتيفخيس على خيماري نواغ ونبدا نتوغ، منبعد نڨلعه و نحوس على خيمار وحداخر و منصيبهش و نقعد نتوغ على ختي لي بحراته مين بغات تصلي بيه ، المهم هدي صاريلها كيما الغنية لازم هاد السيناريو يتعاود كلما نبغي نخرج، مي الحمد الله هكا و موسختش فولار تاعي ، على كل حال شفت روحي فالمرايا ، سمعت بابا يعيطلي باش نهودو ، رفدت صاكي و هودت طلعت في لوطو و وصلني، فاتت ديك دقائق باش يوصلني و ندخل و نمدلهم استدعاء و دوك الإجراءات كيما المخابرات، و دوك لابوليس في كل بلاصة تحسي روحك راكي مهربة كاش ممنوعات ، دخلت و حكمت بلاصتي و مين عندي الزهر!!! لي يحرسوني كامل يعرفوني 😭🙂، الصراحة مشي وراولي مي كومام محصلتش ، و فات ساهل بزاف بزاف والله شحال فرحت تعبي تاع عام مراحش غير هكا ،حاجة مجاتنيش صعيبة ، فاتو ليوم اول و زاوج حتى كملت سيمانة و هداك الخميس كان أجمل نهار في حياتي، علاه؟ ''لا متلاقيتش سفيان مزال!!!، متسرعوش الأحداث'' ,
باسكو كملت أكبر كوشمار و لي هو الباك !!! علابلكم غير دخلت رحت حكمت تلفون درت علاوة و بديت نشطح نشطح ، ايه مقتلكمش انا منيش قبايلية كي لي يشوفني يقولي قبايلية مين بيضا، و زيد قشي كامل تاع قبايل، خلاصة القول نعشق في القبايل ، قعدت نرقص و جات ماما و خواتاتي بداو يرقصو معايا ، حنا دار زهوانيين واحد يرقص ينوضو كامل يشاركو ، مين عييت صاي رحت قست روحي في بلاصتي و ضربتها بوحد الرقدة ولا في الخيال
أنت تقرأ
أحببت شخصا لا يعرفني🇩🇿
Romansa❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
