هادي هي كانت المرة الاولى لي تلاقاو فيها كان لقاء حساس بيناتهم ، بصح! اللقاء الزاوج مشي شباب اطلاقا. خلونا منتفكروهش دروك في هاد الصباح مشي مليح ، نخلو صباح هادا يفوت على خير و منجبدوش لي يخسرهلنا ، تنهدت من قلبها و هي تحط في المشطة لي كانت تمشط فيها و تشوف في شعرها ، شكون كان يقول تتلاقا بيه و شكون كان يقول مايليس تموت ، قدمت عند المرايا و بقات تمسح على ليساغن لي تحت عينيها و تشوف فيهم ، هادي الطبيعة دايمن ديرها مين تتخلط عليها و متعرفش واش دير ، ناضت من بلاصتها تشوف واش تلبس ، خرجت واش تستحق و حطتهم فوق السرير و رجعت دير شويا ماكياج تغطي الصفورية كي العادة ، هاد الحاجة تكرهها في روحها بزاف ، فقر الدم محبش يخطيها مالغري دارت كلشي ، المهم مور ما كملت ناضت و لبست قشها و دارت الفولار ، رفدت تلفونها و خرجت من الشومبرة ، قابلتها أميرة قاعدة في الكولوار وحدها و تشوف في الفراغ ، راحت تجري عندها هودت باش توصللها ، قلتلها أميرة؟ واش بيك ، شافت فيها أميرة و في عينيها الدموع ، غير شافت فيها راحت نقزت عندها و عنڨتها و بدات تبكي ، قعدت تمسح على شعرها و ظهرها ، آنآ سڨمت روحها و قعدت في لرض حداها ودارتها عندها في حجرها ، مسحتلها دموعها و قالتلها شوفي فيا ، طلعت راسها هي ، و قاتلها حكيلي شكون بكاك اليوم نقتله غير قوليلي، قالتلها بابا، مين قاتلها بابا سكتت ، كيفاه يبكيها؟ و هو يخاف عليها من الهوا ، قلتلها. واش دارلك سفيان حكيلي؟ ، قالتلها قريب نروحو و أنا راني حابة تقعدي معايا متروحيش، قلتلها بصح مزال باقي 3 ايام و نقعدو في رحبا، رجعت عليها ، و مور 3 ايام نتي تروحي و انا نقعد وحدي ، قاتلها يا عمري نولي نجي عندك يلا بغيتي و تجي عندي نورمال المهم متزعفيش ، قاتلها بصح بابا قالي آنآ متحبش تجي ، قاتلها لا نجي عندك غير متبكيش شابة تاعي صحا ، مسحت دموعها بيديها و بقات تشوف فيها ، صاي راهي با تدير حاجة و لا خاصها حاجة و راهي حشمانة، قاتلها واه أميرة قولي قولي بنتي واش خاصك.... ميلت راسها كيما يدير باباها و قلتلها : نتي ، تمتم ردت عليها وقاتلها نتي ، بسم الله الرحمان الرحيم كيفاه عندها الرد واجد كيما هكا ، تبسمتلها مين جات با تهدر قطعتها ، علاه متعيشيش معانا؟ تولي ترقدي معايا و نعطيك وين ترقدي ، نعطيك بلاصتي و نقول ل بابا يشريلك قش يلا مجبتيش و يشريلك هادا تاني ، دارتلها يديها على الفولار زعما، شحال غاضتها صغيرة و حابة لي تقعد معاها ، صغيرة و ماعندهاش أم ، من لي جات لهادي دنيا عطات وعد لروحها و لمايليس، كل ما تحب تستسلم تتفكر هدرة مايليس و البكا تاعها ، قلتلكم لقاء هادا أسوء لقاء في حياتها كل ما تتفكره تطيحلها دمعة و منقدرش تبعد على أميرة و سفيان حتى و تولي تكرهه و حتى و هو يكرها بصح لا كل هادا على جال أميرة ، قاطعهم واحد مين جا و عيط لأميرة ، هي كان علابالها شكون قبل ڨاع ما يعيطلها و كان علابالها بلي كان يسمع فيهم من لولة غير من ريحته تعرفه ، ناضت أميرة تجري عنده عنقاته و بدات تحكي معاه و هو يشوف في آنآ لي في عالم آخر نسات روحها و هي تشوف في الفراغ و تخمم ، مكانش لي علاباله فواش، فطنو في زوج مين عيطت أميرة ، باااباا،،. باش يسمعلها باسكو مكانش معاها كامل ، ناضت آنآ من بلاصتها و شافت فيه ...
______________
زوج حلقات درتهم، المهم علابالي راني نطول ، راه عندي افكار بزاف و منيش نقدر نكتبهم من كثرة لي تخلطو عليا، سما راني كل ما نقعد نكتب شوية و نطلع ، soo، إستمتعووووو💋😍
أنت تقرأ
أحببت شخصا لا يعرفني🇩🇿
Roman d'amour❌❌ لا أسمح بنقل حرف من روايتي و إلا سأتصرف بطريقة قانونية رواية ، الجزء الأول(الحلقات الاولى) حقيقي من بنت أمريكية صديقتي ✅ و الجزء الثاني من تطويري أناغيم و سفيان، قصة بنت تحب واحد ، هو مايعرفهاش، راح يبادلها الشعور؟ ، هل يوجد لقاء بيناتهم؟، كيف...
