أحببت شخصا لا يعرفني🇩🇿

الحلقة 36

نهار جديد ، حليت عينيا و مقدرتش نحلهم راصي يوجع قابلتني التاقة اونفاص ليا و الشمس داخلة. ، الجو شباب بزاف ؛ بقيت نراقب في السما و الكالم ، الليزار يروح و يجي من الريح الخفيف، شحال نحب جو كيما هكا ، قلت علاه منتفائلش اليوم و نوض ايجابية باش يفوت نهاري شباب ، نضت من بلاصتي و توضيت و صليت، مور ما كملت الصلاة رفدت يدي و ندعي يا ربي يكون من نصيبي يا ربي ان كان فيه خير فاكتبه لي و ان لم يكن فيه خيرا فإجعل فيه خيرا و إكتبه لي، هذا الدعاء في كل سجدة نقوله و نشاله ربي ما يردنيش، نضت مور ما دعيت و لبست قشي و هودت صابتهم يشربو في القهوة و يحكو
آنآ: صباح الخير
سناء: صباح النور ، واش بيك البارح ؟
آنآ: والو ، غير تعب شوية هدا مكان ، مي راني صافا
ريان: هادي هيا آنآ لي نعرفها ، تبدا نهارها رايئة
تبسمت معاه و قتله نقولو رايقة مشي رايئة، جاوبني قالي زعما كيما مصريين ،
سناء: قعدي تشربي معانا
هزيت راصي و قعدت في بلاصتي ، سفيان ماكانش هنا ، الحمد الله الصراحة منيش حابة نقابله و منيش باغية نخسر نهاري ، فرغت لروحي و بقينا مجمعين قاتلي ماياري ، علاه مانروحوش المول اليوم ، هزيت راصي قتلها وي أصلا خاصني شي صوالح ، جاوبنا ريان قالنا حتى انا ، بصح منبعد عندي غونديڤو مع طبيب ، قتله واش من طبيب ، قالي تاع العينين ، قتله ااه صح، دخل في ديك الدقيقة دخل سفيان و قالنا صباح الخير ، ردينا عليه و قعد ، تمتم أنا نضت ، المهم فات الوقت و خرجنا كامل في رحبا ،  تقاسمنا زوج مجموعات ، كيما الخطرة لولة لي كوبل وحدهم و لي سيليباتاغ وحدهم ، راحت سارة و ماثيو ، سناء و راجلها و وحدين تاني، و حنا ، ماياري ، مروة، ريان، وارن، جوليا ،و راجلي ، اااا، سفيان ، غلطت ، بلا ما ننساو أميرة تاني ، قبل ما نتقاسمو قالت سارة وين نصيبوكم منبعد؟؟، جاوبتها ماياري قالتلها واش رايكم  في كافيه لي حدا قوس النصر ؟ ، قتلها انا واه ديك هيا نتلاقاو تما أفضل ، تفاهمنا و راحو هوما و بقينا حنا البايرين في رحبا و نتمشاو و نضحكو و زعاقة و بلا مننساو التنمر مع ماياري لي مطلقت حتى واحد
مروة: جماعة شفتو الحانوت هذا يبيع الباتيسري و الڨاطو غير سمعتها ماياري دارت عندها تجري قالتلها منقدرش نشوف و ماندخلش ناكل لا زم ندوق حاجة ، مكملتش هدرتها قاع و راحت تجري و حنا نلحقو فيها
ريان: أنا صاي بديت نخاف على روحي مانوليش نقدر نمشي من السمنة  بسباب ماياري ، ضحكت عليه و جاوبته قتله ارواح ارواح نشوفو شاكاين و ساهل ، قبل ما ندخل درت عند سفيان ، مشي عنده عند أميرة ؤ راهي بعيدة عليا اليوم ، عيطلتها قتلها يلا تجي معايا مالغري كانو جايين مي حبيتها معايا ، مع لولة ترددت بصح طلقت روحها و جات تجري عندي تقول كانت تقارع ، مسكينة نسيتها البارح و اليوم ، راني نحسها كي بنتي ، يأنبني ضميري كون نشوفها مشي غايا ، دخلنا و لي شرا و لي كلا، درنا و تصورنا ، محسيناش ڨاع بالوقت كيفات لوكان مجعناش منحبسوش ، رحنا ريسطو قاتلنا عليه ماياري و شكراته دخلنا و قعدنا و كل واحد طلب حاجة ياكلها ،
ماياري : مروة ، شا راكي معولة ديري هاد الصيف
مروة: راني حابة نروح لاسبانيا ، سمعت عندهم السياحة شابة تما
نطق وارن قالنا أنا حاب ماليزيا ، الماكلة تما كارثة ، ضحك ريان عليه
ريان: نتوما قاع تروحو غير على جال كروشاتكم؟؟؟ قاطعاته ماياري قالته ، الماكلة هيا جزء من التجربة تاع السياحة بلا بيها كأنو مادرت والو ، في هاد النقطة قتلها ايه في هادي عندك الصح ، غير حكيت أنا، ناضت وحد الك.. اا.. جوليا حڨا إسمها
جوليا: أنا راني حابة نروح ايطاليا شحال شابة بلاصة تما ، جاوبتها ماياري قالتلها ايه نيشان عندك الصح رحتلها انا و سفيان و وارن فوتتها غايا ، ردت جوليا ، مالا خطرة جايا يروح معايا سفيان هو أصله إيطالي يوريلي البلايص، يوريلك °°°°°، تمتمت تحت فمي بصح نظن ڨاع سمعوني باسكو شافو فيا كامل ، ماياري و ريان طرطقو بالضحك و مروة دارت يديها عند فمها شادة الضحكة ، سفيان حكمو الڤار شد الضحكة والله شفتو بصح تمتم دار روحه سيريو، حمحمت جوليا و شافت فيا قاتلي غير الخير مسمعناكش شاقلتي ، شفت فيها . اوووو ماهيش تخاف ولا واش؟، درت عند ريان قتله ريان مين تروح عند طبيب تاعك ديها معاك في طريقك طبيب تاع الودنين لي تعرفه ، قالي ايه نعرفو نعرفو ،  ناض و قالها هيا، قالته واش؟؟ قالها تروحي معايا لطبيب ، شافت فيه من لتحت الفوق و دورت وجهها ، هو ضحك لها في وجهها ، غير هو و. ماياري لي مهابيل يقولو الحاجة في الوجه ميسمعو بحتى واحد،  بصح ناضت والله ناضت من بلاصتها و قاتله ايه نروح معاك متروحش وحدك تكره و قدمت عنده ، أستغفر الله هادي مطلقت حتى واحد، شفنا كامل فيها مين ناضت و كامل انخلعنا من طبايعها الخاسرين تلمساته في كتفه و بغات تكمل تهدر ، سمعت حاجة اتخبطت على الطابلة صبتها مروة و وجهها مقلوب، قاتلنا سمحولي الكاس طاح غلطة ، ناضت من بلاصتها و جات رايحة لتوالات ، قبل ما تروح عطاتها نظرة تاع راكي ميتة من دروك ، تبسمت على مروة الغيرة بدات تبينها مهيش تحس بروحها، حتى ريان حسيته شك ، باسكو راهي بعيدة عليه مشي كيما مداري باسكو يضلو مدابزين بصح دايمن مع بعض و شحال من خطرة يتفاهمو ، مي هاد اليامات دايمن يصيبها تشوف فيه و عينيها بايبكو ، زوج خطرات و زيد هاد التالثة، تبعها بعينيه حتى دخلت و دار عند جوليا مي وجهه سيريو تاع الصح انا و خفت منه ، قدم عندها و حكا معاها بشوية هي حمارت و تلونت و راحت قعدت في بلاصتها ، تستاهل مالغري معلاباليش واش قالها مي هادا ما يليقلها و تاك نحوس على حل و نربيها منبعد ، رفد مفاتيحه و جا رايح منبعد رجع و شاف فيا ، قالي نوضي تروحي معايا قتله علاه، قالي نوضي راني نقولك ، مبغيتش ناقشه باسكو نعرفه غايا مين يتبدل ، من جيها خفت منه و من جيهة مشي جاية نروح ونخلي الجماعة و زيد مروة نخاف تتوسوس مني ، شافت فيا ماياري قاتلي روحي انا نعرف شا ندير ، عرفتها تمعني على مروة ، قتلها أوكي و نضت ، قبل ما نرفد صاكي شفت بالصدفة في سفيان شفته يشوف في ريان لي كان رايح منبعد شاف فيا، مافهمتش النظرة مليح ، مي مديتهاش و رحت
______________
نشاله يكون شوية طويل كيما بغيتو ✨😻